الحيول الذهب شيك

السلام عليكم

بنات حبايبي الله يبارك فيكم فيدوني

ابغي اخذ حيول ذهب حق حرمة؛ بس مادري يعني شو رايكم بالحيول هالأيام؟؟ هل مازال الحريم يلبسنه؟؟ ولا موضته قديمة؟؟

وشو الديزاينات اليديدة والحلوة منه؟؟
لو تحطون لي صور زين .. لاني من زماااااان مادشيت سوق الذهب وتقريبا ماعرف شو اليديد وشو القديم ؟؟؟

أفيدوني ..

أختي ما عندي صور مع الأسف ولكن الحيول أشوفها موضة ما تروح , بس يختلف الموديل ولو الحرمة كبيرة في السن أشتري لها الموديلات القديمة , اللي منها الموديلات البحرينية . ولو متوسطة في السن أشتري لها مديلات أحدث مثل الموديلات الهندية وتكون أخف من من الأولى , ولو بعدها شابة أشتريي لها الموديلات الجديدة مثل الإيطالية وفيه موديلات رقيقة وناعمة ,هذه للشابات والعرايس .أتمنى أكون أفدتج وبإذن الله الخوات مابيقصرن .

أنا لو اتيني حيول ذهب بستانس . يوصلني ذهب اش عنه ما أستانس هههه ؟ أخس الهدية حلوة وفيها نوع من التغيير .
انتي خذي الدقة اليديدة اللي فيهن فصوص . أنا خدت لزهبتي اللي فيهن فصوص .
غلفيهن بطريقة حلوة ووياهن جمن وردة طبيعية

لا موضتهـا مـا اتطيـح
خذيهـم و انتـي مطمنـة

أنا وايد أحب الحيول خصوصا للبنات الصغار… وحتى حق الكبار أبد موضته ما اتطيح… وانا اشوف إن رميزان عنده أحلى تشكيلات الحيول عن باقي المحلات …