خواتي بغيت اخبركم اذا عيالكم اتشكوا من اي شي يعورهم على طووووووول شوفوهم عدل عدل
اتخيلو من يوم الاربعاءمن 12 يوم الحين يتني بنتي عمرها 4 سنوات ونص انا وقالت لي شوفي ماما هذا يعور تميت اشوف صدرها بقعه صغيييييره حمره اتقولون جنها متزلغه,, المهم كل يوم واتقولي وانا اقولها ماما قولي منو ضاربنج اتقولي محد روحه يعورني,, والليل ما ترقد.
المهم لين هالاسبوع الي طاف يوم الاربعاء عقب اسبوع بضبط,يتني وكارهه عمرها
جان تتفصخ,,والله البقه كبرت وبسم الله مثل حرق ((حبوب فيهن ماي))مثل البراره
علىطول شليتها و وديتها عند دكتور جلدي ايراني في دبي
المهم يوم شافها قال هذا (الحزام الناري),,قلت هذا شو بعد اول مره اسمع عنه
وقالي هذا المرض ما اي حق الصغاريه ومالهم علاج,,بس انا بعطيها شراب عن الحساسيه وكريم
المهم رجعت البيت وكل ما احط الها الكريم تصرخ صريييييييخ الله واكبر انا مت مت
المهم كل يوم والبقه تكبر و الويع يزيد عندها,,يوم الجمعه امس اتصلت حق دكتور علي سنجل,,قلت له عن الحاله,قالي انا ما اقدري اقول اي شي يبيها يوم السبت الصبح وديتها اليوم,,من شافها قال هذا (الحزام الناري)وكيف هذا مايطلع حق الصغاريه,وتم وااااااااااااايد يقول لنا اشياء
وقال الدكتور الاولي عاطنها كرتزون والكرتزون يقلل من المناعه ,واصلا الحزام الناري يضعف المناعه كيف هي ماعندها مناعه وهالادويه اتقلل من المناعه,,وكتب لها ادويه الحمدلله الحمدلله الحمدلله واااااااااايد اتحسنت
دعواتكن لبنتي الله يعافيها,,راس مالي هالبنت
وبالنسبة للحزام الناري الصراحة اول مرة اسمع عنه
الله يحفظنا ويحفظ عيالنا…… اميييييييييييييييييييييييييييييييييين
وبالنسبة للحزام الناري الصراحة اول مرة اسمع عنه
الله يحفظنا ويحفظ عيالنا…… اميييييييييييييييييييييييييييييييييين
المشاركة الأصلية كتبت بواسطة ام عاشة 
وبالنسبة للحزام الناري الصراحة اول مرة اسمع عنه
الله يحفظنا ويحفظ عيالنا…… اميييييييييييييييييييييييييييييييييين
فديتج والله تسلمين
الله يخليلج لعيالج
الله يحفظها ان شاءالله
هذا المرض يصاب به الكبار بالسن بس سبحان الله بنت اختي بعد انصابت به مرتين ..
؛؛؛ الله يبعد عنا الامراض و يشفي جميع مرضى المسلمين؛؛؛؛