السلام عليكم بنوتات …..ان شاء الله بخير
هذي اول مشاركه لي وحابه تكون مفيده وخاصه في هذا القسم اللي يريح القلب
بما ان كل سوالفنا في القسم عن الرجيمات والنحافه والرشاقه
عندي كم نقطه احب اقولها ….طبعا مب من راسي بس ولكن لاني بالظبط البارحه
تابعت حلقه على قناه ام بي سي 4 ( دكتور phil )
اقرو الموضوع كله
وكان موضوع الحلقه عن الرجيم وكيف توصلون لرشاقه دايمه
وبحطلوكم النقاط اللي استفدت منها وان شاء الله انتن بعد تستفيدن منها
1 – الرجيم ما يحتاج اراده …….
نقطه مهمها لان كلنا نقول كلمه وحده ونسمعها من الناس اللي حوالينا
وهي تعور القلب وتزعز ثقتنا في انفسنا وفي قدراتنا ….وهي طبعا
لازم اراده لازم عزيمه لازم اتكونين قويه وقادره اتسيطرين على نفسج تجاه الاكل
كل هالكلمات نسمعها ………كثيره هي الاسباب الي تخلي ارادتنا تضعف
حياتنا دراستنا مشاكلنا ….الخ ..لكن….ما تلاحظون ان احنا محتاجين شي اكبر
من الاراده هو اكبر منها بس ابسط بوايد
التخطيط
لازم نتعلم انخطط لحياتنا الصحيه ان كان من ناحيه صحه جسديه ولا صحه نفسيه
وجماليه نحتاج لتخطيط …….ما تلاحظون ان حياتناا ما فيها ترتيب و روتين واللي
نسويه اليوم بنسويه باجر واللي بيصير باجر سويناه الاسبوع اللي طاف .
شغل- دراسه- قعدات عائليه -طلعات مع الصديقات ….نت تلفزيون تلفون
وااااخرررررررررراتها يعني
متى بنعرف انخطط لحياتنا ….متى ما بنقول ملل …متى بناكل اكل صحي
وما نندم عليه فليل …متى ما بنندم على تضيع وقتنا ….متى بنيلس جدام التلفزيون
مع غير اكل ….شيبس شوكلات كوكتيل …..متى بنودر اكل محاره البحر ومشاوي نصر
لين متى بنتم نقرا مجلات صحيه ونسجل في مدونة اندور على شي بفيدنا بس ما نغير
ما ننفذها
؟ ؟ ؟ ؟ ؟
باختصار عندنا عادات مزعجه ….ما بيظهر اثرها علينا الحين باذن الله
بس بتظهر في يوم اكيد….. بس ساعتها بتصير تراكمات سنين ….اثرت على صحتنا
على نفسياتنا ….على علاقاتنا على ظهورنا …بمظهر كنا نتمناه قبل كم سنه .
.من جي من منبري هذا >>>>> حلوه هذي :22 (19):
خلونا نبدا بتخطيط لحياتنا
وعلشان هذا التخطيط لازم نكون موافقين على التخطيط لحياه افضل لعادات صحيه
واول هذا التخطيط يبدا …..من تدوين كل شي في حياتنا ….لازم اندون يعني نكتب
كل شي سويناه خلال اليوم من اكل من طلعه بالوقت …..باليوم ….بالسنه
دفتر مواعيد مب دفتر اسرار ومشاعر
وعقب فتره نفتح الدفتر انحصل تغيرات كبيره في حياتنا ما كانت موجوده تغيرات
صحيه …..تغيرات في عاداتنا الغذائيه ……. ونتحمس للافضل ….
اول هذا التخيطيط يبدا بدفتر نكتب فيه كل ملاحظاتنا الغذائيه والصحيه
نغير جدولنا في الاكل …. لا نتم ناكل اي شي ومن غير ما نفكر في النتيجه
نبتعد عن الاكلات السريعه اللي ما تنفع ….واذا مدمنه اكلات سريعه …سويلج يوم
ووجبه وحده بس تاكلين فيها اللي تبين …..شيبس ستاربكس شوكلات .
الرياضه ….اطلعوو امشوو …اشتركو في نادي صحي ….ويا كثرهاا النوادي هالايام
وبمختلف الاسعار ……ااحسن شي 3 مرات في الاسبوع تقعدين في النادي
ساعتين ….رياضه على الاجهزه وايروبكس ولا كيك بوكسنج
واحسبي السعرات اللي نزلتيهااا كل ما تسيرين النادي وقارنيها باللي كلتيه …
وطبعا هالشي بيفدونا فيه متخصصات التغذيه في المدونة …..
يا بنات انا ابي نحفز بعض ….. ما ندمر بعض ….. يعني اللي عندها شي يفيدنا
تقولنا عنه واللي عندها ملاحظه على اللي قلته ما تقصر فينا …تفيدنا
لحياتنا ولحمايه حياتنا لازم نتبع التخطيط الجيد وويصير هذا التخطيط
شرات علاقاتنا شرات صلواتنا شرات طلعاتنا علاقاتنا في اهلنا
لازم نحترم انفسنا …لازم انقدر كل دقيقه تمر علينا ….وما نضيعها في اشياء
تضرنا ….و نحاول بكل الطرق نتخلص منها ……
وبنبدا ببرنامج يفيدنا كلنا ….بس طبعا اللي عندها الرغبه شوفو مب الاراده
الرغبه والالتزام ……….وانا انتظار ردودكم ودعمكم ……
:22 (26):
بنت الأصول
صدق بنت أصول
والله يحفظج
تسلميين
وي كانة شفت هالبرنامج
مع اني احب اشوف اوبرا اكثر