انا ولدي مريض هالكم يوم الله يشفيه ان شاء الله فيه زجام
كان البلغم ملعوزنه صراحه واايد وانا من فتره قريت بمدونة انه ملعقه زيت السمسم زين للبلغم يشله
بعدين صراحه خفت اجرب بس قلت خل اجرب زيت ثاني احسن منه وهو زيت الزيتون خصيصا انه مذكور بالقران
يعني فكرت فيها قبل لا اجرب على ولدي .. تراني يوم صغيره كنت اعاني اايد من البلغم فاحس في معاناته لدرجه اني مره كنت بموت منه خنقني وباراده الله عشت ولله الحمد
المهم فكرت فيها انه لزج وااايد وتعرفون يوم نسوي عينه يوم تكون لزجه واايد طبعا شو تحطين يا طحين او زيت علشان تخف لزوجتها
او مثال ثاني يوم تسوين حلاوه بعد ما تخلصين يعطونج قطعه فيها زيت خخخخ >>>بلا تفلسف
المهم حطيتها نص خاشوقه زيت زيتون وقريت عليها المعوذات وشربته اياها بالغصب وهو عمره سنه الحين
وقعد يصيح بعد شوي الا اجوف ماشاء الله ارتاح واسمع صوته عادي يوم يتكلم قبل كان يطلع صوت مب مخلنه يتنفس متعبنه عقب الحمدلله راح هالصوت
فانصح اي وحده تجرب هالشيء وباذن الله بيريح عيالكم من عذاب البلغم 
لا تنسون تدعون لي انه الله يوفق حياتي وياريلي وعيالي ويفتح لنا ابواب الرزق
بنجربهااااااااااااااا ان شاء الله
والله يسعدج ان شاء الله ويخليج لعيالج ولريلج
بيبي راك … همم اتوقع عادي للبيبي الي عمره 6 شهور بس الافضل تسالين دكتور اطفال .. ولو بتعطينه عطيه شيء بسيط جدا مثلا ربع مل .. وان شاء الله يرتاح من المشكله هاي ..والي قريب السنتين اكيد ينفع باذن الله انا ولدي توه مكمل السنه الي عطيته نص خاشوقه زيت زيتون صغيره .. انتي عطيه نفس الكميه وان شاء الله خير