اليوم اتصلت فيه صديقتي تشاورني في سالفة وبصراحة لان بنتي صغيرة ما عرفت ارد عليها وقلت لها احسن اسأل!!
المهم عندها بنت عمرها 13 سنة من فترة بسيطة بلغت وطبعا ظهرت عليها علامات البلوغ المعروفة والبنت وحليلها مشعرة يعني ريولها وايدها وعندها شعر خفيف فوق الشفاه فأمها تسأل هل عادي لو سوتلها حلاوة لريلها وايدها وطبعا المناطق الاخرى وشلت شواربها ولا توه الناس عليها يعني هي حليلها بريئة مب من بنات ها الايام القويات وامها خايفة انه طلعها من برائتها وطفولتها …
انا بصراحة ما عرفت ارد عليها لان انا شوي مال اول فقلت لها ما ادري بس احنا ماسوينا ها الامور الا بعد ما خلصنا االجامعة وانت بنتج توها صف ثامن ما ادري انتوا شو رايكم يجوز ولا ما يجوز ؟؟؟
صح كلامج قبل هالشي كان عييييب بس في هالوقت يكون استايلها وشكلها غريييب بالنسبة لربيعاتها فيمكن هييه نفسها تحس بإحراج وتبا تقول بس خايفة الاحسن الأم ترمس بنتها وتشوف رايها إذا كان هالشي يزعجها أو لا ^_^
لكن نصييييييييحة
قوليلها لا تخليها تشل شعر ريولها لأنها بتندم خله حق بعدييين ^_^
انتي ادرى عقب الشل بالحلاوة واااايد الجلد يتعب وهذا غير الشعر اللي يظهر تحت الجلد
اتمنى اكون أفدتج غلاي ^_^
بس انا ماتخيل توه الناااااااس على الاقل اول ماتدخل الثانويه .. واصلا بهاا العمر برأييي مب زين البنت تلبس القصير والمفصح .. وين يبين الشعر ؟؟.. وبعدها طفله يعني نظره الناس لهاا انها طفله مب حرمه الواحد يطالع على جوانب انوثتها حتى مب لازم حد يعرف انها بلغت مووووليه
حتى الي بيشوفهاا شاله الشعر من ها العمر بيستغرب ….
اما المناطق الثانيه الاباط هيه تعودها انه كل اول شهر تطلعهن يعني عقب كل دوره اذا كان يبين اما اذا كان شعر خفيف مايبين عاااااااادي لانه بيكثر مع الشيل لكن تحت لااااااااااااا لانه توه صغيره والحلاوه مب زينه لهاا والموس بيكثر الشعر وهي ويحليلها بعدها طفله ..
انا عن نفسي ماشلت شعر جسمي الا عقب الثانويه بعرسي خخخخخخ.. وقبل ما اهتميت ولا امي قالت لي لانه ماكان يبين وكنت بنت يعني محد يلاحظ شرات المعرسه
فانا ما انصح >>> طبعاا رأيي .. يمكن الزمن تغير الي مجربه هي الي بتفيدج
بس اظن تأجل سالفة شعر الريول والايد لي تكبر بعد شوي ..على الاقل تدش الثانوية ..
أما شفايفها احس عاااادي الحين لانه احراج .. << وانا عن نفسي ماشليتهم الا يوم ملجت خخخخخ