خواتي….في الله..
هالموضوع مهم و لازم ناخذه بعين الاعتبار..
و اللي هو الصور على اغراض عيالنا..
مراضعم ثيابهم و شراشفهم..و العابهم..
ليش نسينا ان الملائكة ماتدخل البيت…
و نرقد الياهل و هو لابس بجامة ما شي صورة حيوان ما على البجامة..
ومسكين هو راقد و الشياطين..يمططونه..
بتكلم عن نفسي..ما اشتري لبنتي العاب…مثل الدباديب و هالسوالف عشان الملائكة..
و في نفس الوقت..
مراضعها و بدلها وحتى قوطي الحليب و غيره وغيره.عليهم صور عيل انا ماسويت شي
لا وبعد هلكت ريلي و انا ادور لها سرير بدون رسوم وصور و الحمدلله حصلت..سرير ما في احلى منه..
بس شوووووووووووو؟؟
ما نتبهت لاغراضها الباقية..اللي عليها صور
اتمنى المعلومة وصلتكم كلكم..
و اتريا الردود و النصايح..و اتقبل كل شي منكم..
و الاهم..
كل وحدة تكتب شو تلبس عيلها و من وين..
واذ البدلة حلووووووووووووة بس عليها فراشة صغييييييييرة شو تسوي…؟؟
والسموحة..
بس يمكن هالموضوع ينبهم حق هالشي..
ما ادري اذا يستوي و لالأ اذا نقدر نحط تاتو على هالصور عشان تختفي….
او نخفي فيها معالم الروح يعني اذا كانت الصورة كبيرة نغير في الوجه الي هو فيه معالم الخلق اكثر من عين او اي شي ثاني…..
ما اعرف انا بعدني ما جربت بس ان شا الله الامهات بفيدون…
تقبلي مروري…
ولدي درت ودرت وااايد عسب احصل له فراش للسرير بدون صور ورسومات بس صدق ماحصلت !!
نبهتيني للموضوع مره ثانيه .. شو الحل !!!!!!!!!
لازم نطلع حل سريع…
اختي غرور انثى….مب شرط ادوري في محلات اطفال سيري اماكن ثانية يمكن تحصلي..
اتوقع اذا اصرينا انا نطبق الفكرة و الله بوفقنا..ان شاء الله..
انا ناوية ان شاء الله من الشهر الياي ابدي الحملة التفتيشية في اغراض بنتي..
وكل مرة بستغنى عن شي و بخبركن…
اتريا تفاعل الباقيات..
وايد امهات يتناسون ها السالفة
بس ان شاء الله لمه اكون ام بكون حذرة