حابه احط هالموضوع للاستفاده
توصلني اسئله كثيره ع الخاص واجاوب عليها وامسحها
واليوم وصلني سؤالين ف قلت احطها ع العام احسن عشان الكل يستفيد منها بدل ماتستفيد بنت وحده بس
ف بحط السؤالين بدون ذكر اسامي العضوات مع اجوبتها 
سؤال بما انتي خبيره مكياج اكاديمي
عمتي عمرها 60 وماشاءالله عليها تحب الميكب شو تنصحينها من الكريم الاساس وهي تحط بوده يتكتل شكلها ابد ما يعيبني وان شاءالله بنتعامل معاج
مرحبا حبيبتي
الكبيره بالعمر ماتحط بودره
انصحها تستعمل
liquid lift من ميك اب فور ايفر
او من اي براند ثاني المهم يكون lift فاونديشن خاص للبشره الجافه
واذا بتحط الفاونديشن لا تحط كمية باودر .. تحط كميه بسيطه بالريشه.. بس شوي تحط كومباكت او باودر فاونديشن بس بالريشه
لان لو حطت بالاسفنجيه بتحط كميه اكبر وبتبين اذا عندها تجاعيد وبتبين شكلها اكبر
حول عيونها بالنسبه للكونسيلر ماتكثر باودر تخليها ع طول مايله للزج اكثر من مايل للجاف
والافضل شي للعيون لها تستعمل مائي لان كل شي باودر او كل شي كريمي وفوقه باودر يبين اكبر سنا خاصه ان بالنسبه لعمرها بتكون بشرتها جافه وتجاعيد فيها
^__^ وان شاء الله اكون افدتج
طيب ممكن سؤال؟
شو احسن مصحح عيوب للبشرة الدهنية؟
وهل تعتقدين ان البشرة الدهنية ماتحتاج كريم اساس ف وقت الدوام؟ يعني يوميا احط كريم اساس.. وحدة نصحتني اسوي مصحح عيوب بس اغطي فيها اثار الحبوب وبعدين احط بودرة بدون كريم اساس
شو رايج ف كريم الاساس للبشرة الدهنية بشكل يومي؟؟
مرحبا حبيبتي
الكريم الاساس مافي مشكله لو استعملتيه كل يوم لانج بتستعملين الخاص للبشره الدهنيه
فما بيأثر
وممكن ماتستعملين الكريم الاساس بشكل يومي ممكن تحطين البودره الخاصه للبشره الدهنيه
او اذا تحبين الكريم اساس اكثر تستعملين الخاص للبشره الدهنيه
اذا قصدج مصحح عيوب يغطي الحبوب انصحج بال Matt velvet من ميك اب فور ايفر (هذا لليومي ) وتستعملين قبل اي فاونديشن الكريم اليومي الخاص للبشره الدهنيه وتكثرين قد ماتقدرين من البودره عشان تضيق المسامات وماتطلع دهون وايد ( طبعا البودره الي تكون نفس لون ويهج عشان مايبين شكله طحين )
واتمنى اكون افدتج بشي ^__^
وحياكم الله حبيباتي اي وقت وانا حاظره ل اي استفسار
عندي سؤال واحــد بس .. مره كان عندنا عرس .. وشفت وحــده من خالاتي حاطه الماكيره لها تحــت عيونها وحواليــن ثمهااا شي اصــفر .. مادري شو هو كونسيلر ولا كريــم اسااس !! دورته في كذاا براند ماحصلته !!
ماعرف اذا شي منه في فور ايــفر ..
انا نزلت موضوع قبل عن سر اللمعة الكريمية اللي تخلي الويه كأنه ويه دمية بلاستكية ؟؟ ماعرف شو احسن نوع ؟ وكيف اسخدامها مع الفاونديشن شو الخطوات ؟؟؟
وبسأل شو احسن بيس للعين يقوي لون الاي شدو ويثبته ؟؟؟
وشكرااااا
ابغي اسالج عن الكونسيلر ال HD من ميكب فور ايفر
شورايج فيه حبيبتي لاني ابغي اخذه..هل يغطي الهالات السودا
لاني واايد قريت عنه في المجلات والكل يمدحه..
استخدم كذا نوع بس ابغي اخذ اليديد لاني استخدم مجموعة الHD كلها