اختكم الكروشه تسأل عن جهاز ضغط لحياة صحية

كيف حالكم كروشات
بغيت استفسر عن افضل جهاز لقياس الضغط(اتوماتيكي)
وياريت السعر؟؟الحين حامل في الخامس وعندي وسواس فضضضضيع
ان ضغطي مرتفع مثل حملي الاول؟؟فقلت اقطع الشك واشتري جهاز
الله يسهل ولادتكم ويرزق المحرومين

وعليكم السلام

ماتشوفين شر ان شاءالله
انا ماخذه جهاز ضغط اتماتيكي من شركة OMRON وهذي شركة معروفه في هذي الاجهزه

بسيط مب معقد .. فيه زر التشغيل والتبنيد ..وزر للذاكره يطلع لج القياسات اللي سويتيها قبل

مشكوره ام محمد ما قصرتي
الله يحفضلك محمد
بس الغاليه كم سعره؟؟؟

العفو فديتج … أمين يارب العاليمن ويحفظ لج كل غالي إن شاءالله
سعره 300 درهم صح غالي بس سعره فيه نوعيته زين .. وسألت قبل الممرضه فالمستشفى شو احسن نوع اخذه قالت لي هذا النوع واخذته

تسلمين الغاليه والله تعبتك معاي بالاسئله
ما قصرتي فديتج رديتي على سؤالي(الله لايرد لك دعاء)
مشكوره

مرحبا
انا زوجي عنده الضغط ويستعمل نفس الجهاز بس نحن اشترينا الكبير اللي ب500 لان في منه احجام والصراحه الكل يمدحه وهو وايد زين ودقيق بس لازم ما اتحركين واتمين هادئه عسب يقيس صح

الله يسلمج يارب ولو اختي ماسويت شي العفوووو

انا خذته من صيدلية العين وعليه ضمان سنه