كيف حالكن خواتي بغيت اسالكن عن خبراتكن …كيف ترتبون السفرة والصحون …(المائدة)
وشو الاكلات اليومية مع الوجبة الرئيسية في رمضان …( ويا ريت بالصور )
وما تقصرون ….
وعقب نرص علب اللبن ونحط الماي والشربت
عقب نحط المهلبيه والجلي والكريم كرميلا وعقب صحون الفطاير والحلويااات
واخر شي الوجبه الاساسيه نحطها بالنص
يكون أوردي فالمكتبه الصحون والشوك والسكاكين والمغارف وكللللل شي
والخدامات يرتبن الصحون والمفارش على الطاوله وحسب عدد الموجودين قبل الاذان بفتره
وعقب يصفون على طاولة البوفيه الشوربه والخبز الرقاق مشرب بلبن وسمبوسه وباكوره ومقالي وتمر وعصير تانج وفيمتو وماي ولازم القهوه والشاي ..
نفطر من الموجود ونروح نصلي ويوم نرجع يكون مرتب الهريس والثريد والعيووش كل الانواع مجبوس وبرياني وابيض وفطاير ومعكرونه بلبشميل وسندويشات >>صراحه سفرتنا ما تتغير ها المنيووو يوميااااااااااااا
وبعد التراويح يكون الحلويات من جلي وكريم كرميل ومهلبية وام علي والقيمات والجباب(قريصات) ..ومرات خبيص ..
وبس
والسحور يكون عيش ابيض ودياي مشواي
بس انا اتسحر في قسمي كورن فليكس وحليب واصلي وارد ارقد >>اخف
والاكل الزايد نعطيه الدكاكين
هم يكملوون السهره لين 8 الصبح وبعدين الكل يرقد ..
طبعا هذا فبيت اهل ريلي لاني عايشه عندهم
اما فبيت اهليه نفس الشي نظام بوفيه .. بس حق الشوربه والتمر واللبن وجذي .. زعقب نصلي ونروح كلنا نجتمع فالخيمه مع العايلة الكريمه من اعمام وعمات ونفطر مع بعض
ويوم نرجع بيوتنا تكون الحلويات موجوده
وطبعا كله شغل خواتي وامي وبعض الاشياء من الخدم
بس فبيت اهل ريلي كلله الخدم
وعقب نرص علب اللبن ونحط الماي والشربت
عقب نحط المهلبيه والجلي والكريم كرميلا وعقب صحون الفطاير والحلويااات
واخر شي الوجبه الاساسيه نحطها بالنص))
نفس الاختّ!!
بس نحن انخلي المهلبية/فورني/جلي /كراميل ……….الخ من الحلويات !
بعد الاكل! هههه عشان ما تحر ويذوب وحالة خخ
وبس 
وعقب صلاة المغرب
السفره العامره….الثريد والهريس والطبق الرئيسي(مجبوس دياي-مجبوس سمج-مجبوس لحم)كل يوم غير
واسبرنج رول بالجبن وسمبوسه بالخضره او الدياي(يوميا)
طبعا المانيو يتغير كل يوم واكون حريصه على اني اسوي كميات قليله على قدنا
والحلو…ممكن ساقو…او عصيده….او مهلبيه
والسحور غالبا يكون شئ خفيف….كورن فليكس….سلطة فواكه…سندويش جبن…الخ