ابي منكم حل لهالمصيبة عالم الامومة

السلام عليكم ورحمة الله وبركاته
الله يفرج هم كل مهموم ويشفي كل مريض ويجعل بيوتنا وبيوت جميع المسلمين عامرة بذكر الله ويصلح احوالنا …
الصراحه ماعرف من وين ابدي الحمدالله, الله رزقني بزوجي واللي معاه ربي كتب لي السعاده والحمدالله علاقتي بأهله طيبه وانا ساكنه معاهم بنفس الفلاوعلاقته باهلي طيبه بتقولون لي شو المشكله …المشكله مع حميي ( اخو زوجي العود) نحن فالبيت زوجي واثنين من اخوانه متزوجين العود متزوج وحده من اهلهم ماشالله عليها حشيمه متدينه وراعية واجب وعلاقتي فيها وااايد اوك واخو زوجي اللي اصغر عنه بعد متزوج من اهلهم هي طيوبه بس دوووم بينها مشاكل هي و زوجها الله يصلح حالهم المشكله ان اخو زوجي العود علاقته بزوجته شوي معقده لأنه مثل ماعرفت من زوجي انه ماكان يبيها بس اهله مارضو بغيرها بحكم انها من اهلهم ومتدينه هو ماعترض وساير اهله وتزوج المشكله اللحين انه كل مانيلس انا و زوجي او يصير من بينا سوالف ضحك ومقالب تلقينه يترصد لنا دوووم يسأل ريلي ويين سايرين وين رادين يوم كنا مسافرين عقب العرس كان دوووم يتصل ويسال عنا انا فالبداية توقعت انه علاقته بزوجي قويه وانهم اخوان عادي بس الموضوع زاااد صار يشتكي لزوجي ويقوله انت الوحيد من بينا اللي نفذت انا واخوك اللي ماتهنينا انا ماكنت ادري عن كل هذا بس كنت احس ان في شي من جهته مو طبيعي لين ياني زوجي من فترة وطلب مني اني ايلس مع زوجة اخوه وألمح لها انه لازم تغير من اسلوبها معاه …انا استغربت وقلت له مهما كانت علاقتي فيها قوية مو من حقي ادخل عليها واقول لها ان زوجها مب مرتاح وياها بس رصيت ع عمري ولمحت لها بالكلام اكثر من مره …بس اللي صدمني ان الموضوع مب بسيط البارحه زوجي قال انه اخوه عزم يتزوج الثانيه لأنه يأس من حالته ….دخيلكم بنات خبروني شو اسوي الموضوع كله متوقف على زوجته هي الله يهديها مع انها متزوجه من سبع سنوات وعندها من 3 اطفال للحين تقولج انا استحي من زوجي ….وهي من النوع اللي بس فالاعراس والعزايم تكون كاشخه باقي الايام جلابيه وشيلة صلاه انا حاولت معاه كم من مره بس هي مب راضيه وتجاوبني بكلام انه هي مب فبيت بروحها عشان تتعدل وتتكشخ وان ريلها مايهتم لها السوالف…على فكرة زوجها انسان ذويييق لأبعد الحدود لو تشوفون الهدايا اللي يهديها اياها بتنصدمون حتى انه من فترة ياب لها شنطة فندي اليديده وهاي مب اول مره دومه يتشرى لها شنط ونعل وبدل ماركات وماتقل عن ال4000 درهم …وكم مره طلب منها انهم يسافرون بروحهم وهي ماتطيع تقول ماتروم تهد الصغارية ….دخيلكم شورو علي والله اني احبها ومابيها تنصدم بس المشكله زوجها كل ماحاول زوجي يهديه ويغير رايه يقوله انا بطنش اهمالها لشكلها وبقول العيال وسبع سنوات مب شوي بس اهمال المشاعر لدرجه عادي نيلس خمس ساعات مانرمس لان مافي شي نتكلم عنه…

بانتظاركم خواتي

تعرفين انا هالنووووع من الحريم يبالهن ريال يعرس عليهن عسب يتادبن

انا استغرب منهن … وبعدين تقول ليش ريلي عرس علي ..

انا اقوول ودري عنج هالحيااا وسيري رمسيها قوليللها ..

انتي حرمه نفسها قعدي وياها وكلميها بكل صراحه لو بتزعل خل تزعل ترا بعدين بتعرف ان كان قصدج مصلحتها
قوليلها كنت اعرف وحده شراتج وبالاخير ريلها تزوج عليها
خذيها السوق و اشتريلها ثياب يداد و جي وستايل
صارحيها انتي حرمه شراتها
واذا ماشي فايده عاد يابت عوار الراس لعمرها وخل تتحمل الضره

والله انتي لمحتيلها وقلتيلها وقلتي مايصير ادخل اكثر وماظنتي هي ساذجه هي تستسذج لان اكيد ريلها يقولها بس هي تسوي عمرها مب فاهمه
والله خليها شو بتسوين
اخاف ترمسين بطريقه مباشره عقب تقول انج اللي تبين ريلها يزوج ومن الكلمه تطلع كذا مشكله خلج فحالج احسن نصحتيها بالتلميح ماياب نتيجه خلاص طاف

أنا لو كنت مكانج برمسها وبقوللها عن كل شيء

وعليكم السلام ورحمة الله وبركاته

خلاص انتي لمحتي لها مب حلوة بعد تقولين لها ريلج بيعرس عليج خله هو يصارحها

وبعدين يمكن الحرمة اوكيه بس ريلها يبالغ شوي