اشحالكم
ابي حل حق الامساك وبصراحه مب فاهمه شو اسوي بنتي عورتلي قلبي كل ماتبا تسويها اتصيح واايد الابراز عندها يابس وايد شو اسوي وديتها المشتشفى عطوها تحميله بس ما شوف شي ويوم احطلها اطلعه ووايد اتصيح خلاص تعبت وعطيها سوائل وايد ماشي فايده قمت ما اكلها بس اشربها بس نفس النتيجه دخيلكم ساعدوني ما اقدر اشوفها تتعذب وانا ما اقدر اسويلها شي
اترياكم لا تتاخرون عالرد عليه
انا استخدم لولدي نوفالاك اي تي ( للامساك)
واحطله في الرضاعة عسل اصلي دايما ( ولدي عمره سنة ونص فما اعرف عشان بنتج اصغيره)
لا تأكلينها الجزر والبطاطا وخففي من الروب وعطيها شخالة العيش وايد زين للامساك
اخلطي عنب( بعد ما اطلعين القشرة والبذر ) مع التفاح بيستوي شرات العصير وعطيها اشوي منه في البداية
سوي عصير تمر وحطي عليه سيريلاك بتحبه والتمر ملين
سويلها بعد السبوح مساج بالزيت على بطنها يوميا
ولا تهملين الامساك لان ولدي استواله جرح على الشرج وكان يتبرز دم الله يعزج
والله يعينج ويعينا ^_____^ واذا عندج اي سؤال انا حاضره
اغيره يعني؟
بنتي عمرها سنة وتسع شهور تعاني من إمساك فضيع
لدرجة انه الدم ينزل قطرات منها
وديتها مستشفى نيو ميديكل سنتر عند دكتور الاطفال اسمه اميرلك
قالي لاتعطينها حليب وترقدينها ع طول
وعطاني زيت احطه مع عصير البرتقال واشربها منه كل يوم لمدة شهر
والحمدلله الحين من عشر ايام من عالجتها وامور بطنها طيبة