ابى اضعف بس ما عندي اي استعداد اسوي رجيم قولولي شو الحل ؟ تأخر الحمل

السلام عليكم
بنات ابى اضعف بس تعبت من الرجيم
بقولكم سالفتيه
انا يوم ربيت سويت رجيم نقصت حوالي عشرين كيلو وهذا كان في سنه بس كنت حارمه عمري من كل شي كان اكلي عبارة عن سلطة ومشاوي وبيض ومرتديلا …….الخ
تعبت ما اقدر مسكت عمري سنه من مجرد اني رديت ادخل الاكل الطبيعي في اكلي زدت فوق 5 كيلو وبعدين رديت 15 كيلو
خبروني شو الحل ابى اضعف ومشكلتي يوم اسوي رجيم اضعف بسرعه ومن اكل ارد بسرعه

تعبت عطوني الحل بس لا تقلون ارد اسوي رجيم

ماشي حل الا انج يوم تضعفين تحاولين انج ماتاكلين وايد نفس قبل وتسوين رياضه يعني تحافظين على وزنج وتراقبينه عسب مايزيد وتشربين ملين كل يومين جيه واهم شي الرياضه لو تمشين نص ساعه
انا نفسج والله كل مااضعف ارد اكل ويرد وزني نفس ماكان يالله الله كريم

الحل انج تاكلين كل اللي تبينه ..بس بشروط
اول شي تتريقين عدل..وحاولي اذا يعتي بين الوجبات تاكلين فاكهه..والغدا اخريه وخليه عالساعه 6 تقريبا..وعقب الساعه 9 لا تاكلين شي..لان الهضم يكون بطىء ..

والشي الثاني انج تبعدين عن كل الغازات والحلويات ..والدهنيات…واذا اشتهيتي شي سكري كلي تمر مافي احله عنه ..

واهم شي ان كل الوجبات تكون يوميا في نفس التوقيت ..يعني تريقتي الساعه 10 اليوم اللي عقبه يفضل الساعه 10 تتريقين ..يعني تعودين معدتج على نظام معين..وخذي راحتج في الاكل..لانج يوم تاكلين براحتج تشبعين بسرعه .. لكن السرعه تخليج تجوعين ..

استمري على هالشي وصدقيني واايد بتضعفين

بالتوفيق وبشرينا

ترى مرحلة المحافظه ع ثبات الوزن اصعب من النزول .. انا بعد اعاني حاليا من الزياده من بعد ما نقصت ..بس احاول قد ما اقدر اني اخفف من اكلي و العب رياضه .. كل ماشفته زااد ارد اسوي رياضه و تخفيف عسب انزل الزياده
انا اشوف اهم شي الرياضه ..مشي لو نص ساعه ..خمس ايام في الاسبوع ..جي لو تاكلين ما بترديين بسرعه
ع الاقل بتحرقين يوميا شي منن الاكل اللي كلتيه

انا بالمرة ما احب الريجيم…
اريــــــــــــــــــــــــــــــــــــد اضعف 10 كيلو بس