ابا حل ما اعرف شو اللي صاير لصحة الجسم

بسم الله الرحمن الرحيم

السلام عليكم و رحمة الله و بركاته

خواتي انا اعاني من مشكلة ما اعرف شو االلي صاير

انا مربيه تقريبا من 5 شهور و كانوا مسوين لي طلق صناعي و امعاطيني ابرة شرجيه
المهم الحين يوم اسير الحمام " الله يعزكن" اثناء الخروج اعاني من الم كانها جرووح و مرات ينزل دم مع البراز .. انا ما رحت العيادة ..
خايفه وايد شو اسوي

تعبت و الله مرات ما اقدر حتى ايلس

اعطوني حل تعبت وااايد

14 مشاهده و لا رد

محتاجه رد و الله

روحي العيادة أحسن

يمكن بواسير

اتوقع الغاليه فيج بواسير

لازم اتسيرين للدكتوره .. وقولي لها مب شرط تكشف عليج بس قولي لها

وبتعطيج تحاميل او مراهم

اختي يمكن بواسير حاولي اتروحين المستشفى ولا اتخلين الجروح تلتهب

انا يالغالية استوي لي شراتج عقب ما ربيت بحوالي 3 او 4 شهور ز اكنت اعاني و اتألم و بغيت اصيح كل ما ادخل الحمام و نفس الوقت مستحية اتكلم او اقول شي
و لكن ليش نستحي تري ها الشي غصب عنا
المهم سالت و عرفت ان هذا الشي يكون شروخ بالمستقيم او بداية بواسير حسب الالم و هذا الشي يستوي من (حزقة او زفرة )الولادة
المهم حتي لا اطيل عليج: اول شي جربي تشربي ماء وااااااااااااااااااايد و اعتمدي علي اكل السلطة و احرصي علي و جود بقدونس وايد (لان البقدونس ملين طبيعي )
الحليب بعد يفيد وايد مع البعد قدر الامكان عن الاجار و الاكل الحار و المقالي لا ن الدهون و الاكل الحار يخلي البراز حار و يتعب زيادة
اذا ما فاد سير الصيدلية و اشتري مرهم و الله انا اسفة ما اتذكر اسم المرهم و لكن اذا سألت الصيدلانية بتعرفه بسهولة : هو مرهم موضعي شفاف مائل للبني وياه مبسم لسهولة الاستعمال و تستعمليه 3 مرات في اليوم و في خلال ايام بسيطة تلاحظين التحسن

ان شاء الله اكون ساعدتج ز ما تشوفين شر ابدا