اباكم توقفون ويايه وتنصحوني ابا اضعف وابا اشترك في نادي
بس شو مشكلتي متعايزة وكسلانه ومالي بارض وكل هذا بسبب بدوامي الطويل من 8-4:30 العصر
وقول في خاطري كيف برد الساعة 4:30 وبلعب رياضة بعدني
وفي نفس الوقت اقول لا لازم اسير النادي
اباكم تشجعوني
وغير جذية السبب اللي يخليني اكنسل غكرة النادي انه في مجموعة حريم بيني وبينهن حساسية شوي وافضل اني اتجنبهن .
فشو رايكم يا اخواتي
ساعدوني وشجعوني
على فكرة انا اليوم يايبه لبس الرياضة ويايه في السيارة
وقلت بشوف عمري اذا عزمت وخطفت ترا كل شيء جاهز
بس شجعوني لاني احس بتردد كبير
(مع العلم اني مستخيرة )
يعني عادي
ولا انا اخلص 4 بس اوصل البيت 5 الا ربع ولا 4 ونص
وعادي ارووح الريااضه اول ما اشتغلت قلت نفس كلامج ما اقدر وتعب يالله يوم ارد من الدوام وجي
بس عقب عادي
اتعرفين ليش
لانه اصلا الرياضه ساعه بتاخذ عنج
وثاني شي عن الحساسيات عادي طنشي
انتي روحي وهمج انج تتمرين وبس
يعني ما يخصج بغيرج
اذا ما بتروحي عشانهم والله ما بتستفيدي شي
عيل هم راحوا ما همهم حد بالعكس هم رايحين حق نفسهم وانتي بعد
وها نادي عام للكل
والله انا وحده مني اشجعج وانا من سجلت في النادي لي يومج ها خفيت 8 كيلو من شهر 11
طبعا شهر 1 ما رحت
وعادي اكل بس ما اكل الممنوعات
يعني يا اختي ما تبعتبي ولا أثر عليج ؟؟؟؟؟؟
صدقج والله شعليه من الناس
المهم نفسي
خاطري اكشخ والبس
والله الكبت متروس عندي بيجامات وقمصان وتنانير بس منو يلبس ولا حد
صارحة شجتنيني
وان شاء الله وباذن الله بسير
لازم بتعب اول الايام الانه جسمي مش متعود
بس مع الوقت بيتعود
سيري واتشجعي وما عليج من حد اصلا الرياضه بتحسن نفسيتج وايد
ليتني شراتكن
صدق والله شو بستفيد يالسة في البيت
صح انظف وارتب واغسل واكوي
بس بعد لازم اخلي هدف ليه
الحمدلله انا ماقيني شحم بس جسمي وااايد مترعل من المتن والضعب ابا اشد جسمي لان شو فايده الضعف والجسم مبهدل
بس المشكله عندي بنت صغيره عمرها 5 شهور بس وماعندي خدامه بس دقيت حق وورلد جيم يمدحونه قالوا عندهم
مثل حضانه للاطفال
فما اعرف في حد سار وجرب ؟
واللي تروح الجيم شو تسوي هماك يعني كم مره في الاسبوع كم ساعه ؟ على شو تدرب ؟
ومشكورين