أنت قبيــــح …أنا اكرهــــــك…..حسبي الله ونعم الوكيل عالم الامومة

شحالكم بنات من فتره طويله ماشاركت في المنتدي وقطعت عن صديقتي كلهن فديتهن والله بس ظروفي ماتسمح احدر النت وايد….لكم وحشــه ,,,,بس اليوم انا يايتنكم موب مستانسه ارجوكم ساعدوني عطوني حل لهذه المشكله الكبيـــره اللي صارت ثغره في البيت تعبانين نفسيا يابنات ….

أولا:بنات ولد اختي الكبير عمره تقريبا 26 سنه طبعا يتيم الاب وهو اختي اللي هي امه ربت احسن تربية ماله مكان غير بيتنا ومسيد وبيت وربع حتي ماعنده اللهم ولد الجيران ماتتخيلون طيبة هالولد والله ثم والله ماامدح عشان ولد اختي لان صدق صدق مافي منه في زمنا هذا ..حتي نحن ايي يسلم علينا وينزل راسه لهالدرجه ,,المهم الولد هذا درس برع الدوله ورجع لنا سالم وغانم ويشتغل وكون نفسه بس كان عنده مشكله انه هو خجوول جدا جدا جدا ماتتخيلون كيف الصراحه ,

ثانيا:ياه اليوم اللي امه قالت له ابي افرح لك ياولدي ماشااءلله انت فهالعمر كونت نفسك ميمع بيزات يالله اندور لك حرمه قالت له ((نغزته ماعندك وحده مني ولامناك ماحاط العين ع وحده من برع العايله ولاداخل العايله)) قال لاه انتوا تعرفوني انا مايخصني في البنات وانا انسان خجول دورولى اي وحده مايهمني شكلهها اللي يهمني اخلاقها بس ,,تتخيلون شباب ف هالزمن جي يقولون شباب اغلبيتهم يتشرطون يبون وحده جي ولاجي وبعدين الاخلاق,,لكن اقول حق ولد اختي انتي قولي شو تباه شو يعيبك ف بنت انها تكون يقولي خالوه قسم بالله مايهمني شو ماكنت بس اخلاقها وصلاتها بس

ثالثا: المهم قلنا يالله اندور مشكله اغلب بنات العايله اتزوجوا واندور بنات مني ومناك صديقاتي وصديقات خواتي كلهن متزوجات قلنا ماشىء الا انروح دوله خليجيه لان عندنا اهل هناك شىء جميل عرسنا بيكون ف دوله خليجه المهم رشحنا البنت ومااصدق ولدنا البنت وافقت قلنا خلاص بعد بنرجع لكم بنحدد يوم حق الملجه المهم حددنا وخلصنا ..

رابعا :في فتره الملجه ولد اختي يتصل حق البنت الحبيبه ماترد او انها اتقول حقه ادخل النت الفليل وياي بوالشباب طبعا يرقد من وقت 8 ولا 9 هذا حده يقول انا ريال ماحب السهر وخرابيطه يقولها ربع ماعندي وانا اليوم اعتبرج كل شىء ,,,,الموهيم هاي الفتره وايد كانت صعبه عليه لدرجه قال حق امه البنت مول مازواج واحس ماتباني دخيلكم قولولها اذا ماتباني بطلقها الحينه ولا عقب امه قالت فترت الملجه احلي فتره اتعرفوا عل بعض وحاول تغيرها …قال حق امه اولا البنت وايد تسهر انا تبعت من كثر مااقولها واتصل فيها ماترد ماعرف شو موضوعها ,,,المهم سكت عن الموضوع عشان خاطر امه وخالاته

خامسا(الزواج)) تم الزواج بحمدلله واستانسنا لان صج صج كان روعه اهالينا تخبلوا طبعا حجزنا رحله حق كل اهالينا بحساب ولد اختي هذا غير عن حجز الفلل واهلي استانسوا لان كنا نباه وناسه ولدنا وناسه اهلي …الكل استانس وتخبل قال اللي سواه ولد اختج محد يسويه ماقصرتوا ويانا وتمت فرحتنا

سادسا((المصيبه الكبري)))…في يوم العرس العروس كانت جازه المعرس طبعا ماخلته تلمسه هي صح ماخبرتكم ترا هو وفر لها شقه مؤقتا لين مايطلع اسمه حق البيت قال عشان حرمتي ترتاح وتأخذ راحتها ف الشقه ,,المهم برجوعهم ماصار شهر عسل

سابعا:قال حقها يابنت الناس نسافر نسافر لالا مابي مابسافر انا اصلا ماحبك انا اكرهك انا مابي اتم ف الشقه ودني بيت هلك نقعد هناك نسكن هناك انا اختنق ف الشقه اوكي ان شاالله اللي تامرين عليه ومسكين ياي كلم امه قالت خلاص بس نحن دافعين سنه كامله حرام ير وح علينا قالت امه موب مشكله اهم شىء سعادتك خل تولي الفلوس ,,يت الحبيبه وسكنت عندنا وتغيرت اتخيلوو تحولت وحده ثانيه يعني صج صج لا ولد اختي قصر وياها ولا نحن لان ف نهايه تعتبر وحده غريبه يايه تعيش بينا تخيلوا

ثامنا:جدول العروس خخخ تتخيلون عروس تقعد عل النت يعني الصبح راقده والفليل تنش عل لاب توووب لين فجر وتكمل رقادها لين يومكم هذا ولد طفر منها قال انا تعبت من كثر مارمسها انا صابر عشان امي المشكله الكبري ان اهالها واقفين ويااااااااااها مساندينها يعني تعطي صوره ثانيه عنا شىء مش طبيعي ابي اوصف لكم الموقف قسم بالله موب قادره …..

تعبنا رمسنا اهالها المشكله واقفين وياها ومشكله الكبيره انها بعدها بنت موب طايعه تعطيه حقه اتقول حق ولد اختي ((انت قبيــــــــــــــــــــــــــــــــــــــــــــح أنا اكرهك))

والله موب قادره اكمل ياناس تعبنا نفسيـــــــــــــــــا تعبنا والله العظيم والله تعبانين قلت والله العظيم لو اي ريال ثاني جان شل قشارها وفرها بيت اهلها بس مادري ليش صابرين والله لدرجه ولد اختي يقول اعتبرها جنه اختي يعني تتخيلون هالشىء ترقد في حجره وماتبي ترقد عنده تجزه وتقوله يالقبيح

مانقول غير حسبي الله ونعم الوكيل ..حسبي الله ونعم الوكيل

عطوني حلولكم يابنات ارجوكم

اختكم أم سيفوه

ما يستاهــل ><

ان شاء الله خواتي يفيدونــج

وان شاء اللـه تتغير ، الله يهديها

انا لو بمكانه بطلقها وكل واحد يروح بدربه هذا زواج مب لعبه..

انا اجوف تردونها بيت اهلها واااايد ابرك