اشحالكن يا حريّم ويا بنات عساااكن بخير
اليوم بحط لكن طريقة أم علي اللي مستحيل أجرب غيرها
واللي بتجربها أكيد بتقول صدقها أم سعيد يوم قالت 
والحلو انها سريعه وما تاخذ وقت
::المقاادير::
بسكوت شراات اللي في الصوره
لتر حليب
علبة قشطة
8 ملاعق شكر
ماي ورد
والمكسرات(فستق مبروش-شرايح لوز-زبيب-ناريل)
::الطريقة::
قبل ما نبدأ شغلي الفرن من تحت عشان يسخن
اول شي كسري البسكوت وحطيه في القالب
عقب وزعي شوي من المكسرااات
اخلطي الحليب والقشطة والشكر والماي ورد
عقب حطي الخليط على البسكوت ووزعي باقي المكسرات
دخلي القالب الفرن وخليه لين يفور الحليب وسكري الفرن
وقدميه حسب الطريقه اللي تحبينها
اممممممممم يمي يميي
شكلها يشهيييي =)
أنـآ جربتهـآ بس بدون القشطه ما اعرف شقـآ كانوآ مسوينهـآ
بيرب اسويها يوم اليمعه ..
تسلم ايدج الغلا
وعواافي يااقلبي
تسلمين غناتي
_