أنا ان شاء الله بنتقل من أبوظبي وبي بسكن عدكم ف راك
وابغي استفسر عن بعض الأشياء أول شي. بخصوص المدارس أبغي إسجل عيالي فمدرسة راك للمحادثه الانجليزيه اعتقد جي الاسم بس أربيعتي قالتلي لايمكن اتحصلين مكان
والشي الثاني بغيت أعرف عن العيادات الأوكي للأطفال لأني بكون بروحي وزوجي بيسافر لمدة سبع شهور ومابيكون عندي حد وأهلي كلهم فبوظبي بس هو يباني أتم ف راك عند أهله وما قدرت أقنعه اين أتم عند أهلي
والشي الثالث شو الأماكن إلي أروم أشرى منها لبس للأولاد والبنات وين شيء خيايط أوكي للمخاوير والعبي لأني ما استعنى عن المخاوير
وابغي أعرف كل شيء عن راك لأني ما عندي حد أهناك غير أهل ريلي وأنا ما أحب أسألهم عن شيء أبغي أدبر عمري من غيرهم
بلييييز لا طنشون أنا أهم شيء الحين أبغي مدرسه أوكي عشان أنقل عيالي
عندج المدارس
عدنا مدرسة راس الخيمه لمتحدثي الانجليزيه
مدرسة شويفات في خزام
مدرسة رمسيس فخزام.. ابتدائيه
مدرسة راس الخيمه لعلوم القران.. ابتدائيه +كي جي1+2
مدرسة زمزم في الخران 00حكومي..ابتدائيه
مدرسة الظيت ..حكومي..ثانويه
مدرسة الرياده ..حكومي..اعداديه
مدرسة سهيله ..حكومي..اعداديه
مدرسة الهمهام..حكومي.. ثانويه
المحلات ..
عندج المنار مول .. فيه تقريبا معظم المحلات للبنات والأولاد
نكست
مذركير
جيوردانو
الموناليزا
ومحلات وايد
وعندج مركز بن ظاهر
والمحلات معروفه
بيبي شوب
وشومارت
لايف ستايل
سبلاش
وبعد مركز سنتربوينت فيه نفس المحلات
والخياييط سيري الشارع الكويتي بتشوفين مالذ وطاب مخاووير على ادوات منزليه وملابس وعبي واكسسوارات وادوات مكتبيه ..
كل شي متوفر فراك ولله الحمد 
اختي انا من راس الخيمه… بس شغل بوظبي و مخاويرهم غير عن اللي هنه