أكمــــــل دراستــــي في قســــم التربيـــة و الا ما يستــاهل كل هالتعــب !! التدريس الاماراتي

السلام عليكم ورحمة الله
مرحبا خواتي المدرسات و غير المدرسات
عندي سؤال يدور في راسي ….
هل العمل في المجال التربوي متعب ؟؟؟؟؟
انا تخصصي تربية ادرس رياضيات وعلوم …..
و هاي ثاني سنه يعني في بداية المشوار !!
و الحينه عندي بنت 3 شهور و ظروفي ابد ما تسمح اخليها فديتها و اسير ادرس
لاني الدراسة عندنا صعبة شوي و اطول في الجامعة يعني من الصبح الين المسا …
مع اني احب الدراسة و اعشق الرياضيات …. و لكن جدا جدا صعب علي
هل العمل في التدريس يستاهل اكافح علشان الشهادة و اضحي بوقتي و وقت بنتي فديتها
و اتم كل هالفترة في الجامعة !!!!
و الا اغير تخصصي و اخذ من هالتخصصات الماشية حاليا مثل المحاسبة او الكمبيوتر او البزنس و الخ الخ
لان الدراسة بتكون اسهل و ما بطول في الجامعة وايد …..
و الله محتارة وايد …
و مدرسة الرياضيات او العلوم مطلوبة في الوزارة و الا صعبة احصل وظيفة بعدين ؟؟؟؟؟؟
ابغي ادرس عشان اشتغل بعدين مابغي اتم جيه يعني يضيع تعبي !! فاهمين علي خواتي …
ياليت تشيرون علي عزيزاتي …. أكمل … اوقف هالسنة … او اغير التخصص ؟؟!!!
و يزاكم الله الف خير

أنا أعتقد أن الوزارة صار عندها اكتفاه من ناحية المعلمات والله أعلم
وإذا أنت تحبينها كملي فيها

ما تدرين يمكن يوم تتخرجين يطلوب تخصصج

والدراسة دراسه سواء غيرة التخصص ولا لا

صلي صلاة الاستخار أحسن شي

وشوفي

والله يوفقج

مادري شو اقولج
بس صلي استخاره
وعسى خير ان شاء الله

ان شاء الله خير خواتي و اكيد بصلي استخارة ………..

انا اقولج التربية ماتستاهل التعب … شوفيلج اي تخصص تشتغلين فيه في القطاع الخاص ابرك واحسن .. اسأل مجرب

انا كان تخصصي تربية بس اتندمت لاني اخترت هالتخصص تمنيت لو اني اول شي

تخصتت بزنس ولا كمبيوتر او اي تخصص ما يخص التدريس

انتي شوفي ميولج وسوي الي يريحج

صلي صلاة الاستخارة والله يوفقج