بنات انا اسوي ليزر عند مركز استثنك والحمدلله شغلهم وايد حلوو
لكن عندي مشكله كل ما ايي الشعر يطلع بعد الحلاقه يطلعلي حبوب صغااار
طفرت منهن ومب عارفه كيف اتخلص منهن
الي عندها اي فكره اتمنى تفيدني
ويزاكم الله خير
اختكم
انا شراتج اسوي ليزر عندهم وصراااحه وااايد فادني ولله الحمد …وظهرلي حبوب الله لا يراويج تقول يرب ضاربني الله يكافينا شره ان شاء الله
المهم..
فلبينيه يزاها الله كل خير قالتلي طريقه عشان يخف الحب عني والحمدلله جربت طريقتها وللحين استخدمها بس يبالها كم يوم يلين تطلع النتيجه والحمدلله راح الحب بس احيانا تطلع كم وحده " ياحي كم وحده عن الرعب القبلي"
ما بطول عليج وبخبرج الطريقه وان شاء الله تفيدج مثل ما فدتني
1 اسكينول ليمون صغير
1 حبة dalacin " عباره عن حبوب تشترينهن من الصيدليه انا خذتهن من صيدلية العين"
تفتحين الحبه وتصبين محتوياتها في الاسكينول وتخضينه عشان يختلطن مع بعض وتمسحيبه ويهج في اليوم مرتين او ثلاث وخاصه فليل والصبح
والسموحه
أنا توني رادة من عندهم بس على فكرة هذا سوفت لايت موب ليزر .. واشوف ان السعر غالي كثير .. 850 على الوجه بالكامل والله حرام ! فيه ناس اتسوي ليزر عند كوزمسرج ب 500 ! على العموم انا بكتب عن تجربتي اليوم في موضوع " الليزر" .
وبالنسبة للحبوب الله يستر! انتو كام جلسة مسوين؟ وكم باقي؟ وهل تشوفون تحسن وبعد كم يوم؟ وشو لازم انسوي بعد الجلسة؟ سمعت انو مايجوز تغسلين وجهك الا بعد 6 ساعات ؟ وانا الجلسة الثانية بعد اسبوع والله يكمل على خير.
حياكم الله.