بنات السالفة طويله شوي تحملوني بلييز مشكلتي ما اعرف ارمس باختصار لازم احط التفاصيل ^^
بنات اليوم انا والله ما رمت ارقد من كثر ما ان غمضتني اربيعتي وهي تتكلم عن ولدها وفيها صيحه
وقمت افكر والله واحاتي قلت مالي الا اطلب شوركم واستفيد من تجاربكم ؟؟؟
اربيعتي متزوجه وعندها ولد توه 9 شهور وهي تدرس فالجامعه ودوامها ساعات لين 5 او 6 ونص وتقول والله لو مب ان الجامعه مهمه جان ما ودرت ولدي مب هاين عليها مول وما عندها احد عمتها متوفيه وقوم امها محد امها تداوم وخواتها ف مدارسهم يعني مضطره تيب بشكاره
صح اوردي البيت فيه بشكاره فلبينيه من زمان عندههم ثقه واللحين يابت اثيوبيه وتوها من 3 شهور يايبه تقول احس بشكارتي زينه وايد تحب ولدي وانا شفتها مبين عليها زينه
بس وايد توسوس واتفكر هي طول ال9 شهور كانت بروحها تجابل ولدها مب معتمد لا ع امها ولا اي احد ..
واللحين الفلبينيه مستويه سي ان ان ع الاثيوبيه من اسوى شي ربعت وفتنت عليها سواء يرزى ولا ما يرزي اقل شي .. ليش تاكل ف الغرفة تطري غرفة الخدم اونه الملابس بيستوي فيها ريحه ..
وريل اربيعتي دوامه مب ثابت مره صبح مره فليل وحزة ما هو موجود الولد عنده بس يوم مب موجود البشاكير اللي فالبيت يجابلونه خصوصا الاثيوبيه لانه مسوليتها وطبعا البيت ما يخلى حد طالع حد ياي ..
خلال هالفتره اول امس حد من اهل ريل اربيعتي ياينهم اناس بيبتون كمن يوم ويايبين وياهم بشكارتهم الاندونيسيه وهاي وايد علاقتها اوكي ويا الفلبينيه تقدرون تقولون صديقتها الصدوقه
بالعاده الفلبينيه تقوم بالبيت وجي والاثيوبيه تدير بالها ع الياهل .. امس اربيعتي يوم يايه من الدوام انصعقت يوم ريلها يقولها شو هالاهمال وليش جي وجي وكان معصب ويوم سالت شو السالفه اثره البشكاره الفلبينيه مصوره ريل الولد وفيه علامه ع ينب حمرا مثل بقعه وراوت الابو تقول ان الاثيوبيه مسوتنها فالولد
طبعا الابو جيك ع ولده وشاف شو مستوي يعني تاكد وما رمس البشكاره يا ع طول خبر اربيعتي وربيعتي مصعوقه صاحت غمضها ولدها وتوعدت للبشكاره بس قالت انا لو رديت البيت وخلال نص ساعه ما يت قالت لي انا بسفرها ع طول
بس يقولكم من دخلت اربيعتي البيت الا تربع البشكاره تقولها مدام ماعرف شو احمر الام @@
(للعلم اول مره جي يستوي بالولد )
شو احمر .. راويني اويييه ها شو ؟؟ .. شو مستوي؟؟ .. كيف ما تعرفين؟؟ .. عيل منو يعرف؟؟ .. محد فالبيت غيرج وها مسوليتج انتي .. واذا انا محد اي شي يصير للولد انتي انتي مسوله عنه .. سبحتيه يا ف بالها يمكن من الماي الحار .. والبشاكير الثانيات ساكتات يطالعن جان اربيعتي تنشع ولدها من ايد البشكاره وتقولها شو كنتي وين ليكون راقده عسب ما تدرين ؟؟ هاا كيف استوى وايد افكار تراوت لها
المهم ودت ولدها الحجره وتمت تجيك ع جسمه كله وتشوف وترص ع المكان تبا تشوف ولدها يتويع ولا لاء شافت ان عادي كان ملتهي يلعب وتمت تفكر .. الا شوي حد يدق الباب الاندونسيه يايه تفتن وتقول بشكارتج جي وولدج جي والام انصدمت ومن طلعت هاي دخلت الفلبينيه وتمت تقول الاثيوبيه جي وجي
عاد الام ما تدري وااايد توسوس طبعا خبرت ريلها وع المغرب ردت رمست بشكارتها قالت لها بالطيب لو ما تبين تجابلين الولد مب مشكله بس قولي ولا تاذينه .. ةطرت انها بتسفرها شي جي تمت تصيح البشكاره والله ماعرف وماعرف كيف انا يوم بدلته شفته جي والابو بعد كلمها طبعا هم كلموها بالطيب عسب قالوا يمكن يكونون ظالمينها ويمكن يشدون وتشرد ما يندرى يبون يطلعون السالفه وبعد الام محتايتنها وراها جامعه ما تروم تهد الدراسه والابو دوام
بس الام تخاف ان تظلمها وان البشكارتين متفقات عليها لان كذا موقف استوا ان من تي هالاندونسيه يستقون عليها وينبذونها ..
واربيعتي وريلها قالوا يمكن يتبلون عليها وهم مسويات هالشي ويمكن هي غفلت ما يدرون الف شي ف بالهم الام تفكر توديها المكتب .. طول الليل ما نامت وما داومت كلاساتها اليوم تخاف .. ماتعرف شو تسوي تقول لازم القى حل .. طبعا انتوا تعرفون ان يبين اذا الياهل يبا احد ولا لاء هي تلاحظ ان بشكارتها وايد تبا الولد وولدها يستانس ع البشكاره وللامانه هي تقول انا ابا بشكارتي تحب ولدي لان اذا حبته بداريه واذا ولا لاء بتاذيه وهي جي ولا جي مردها لبلادها ولدي حقي .. هااي نظريتها
المهم الام عندها قواعد واستراتيجيات يعني مشيه بشكارتها ع التمام مثلا الولد ما يتم ف غرفه الخدم ع طول من ينش توديه الصاله وما تودره ابدا وان اضطرت تروح الحمام او شي تحطه فالمشايه عسب تضمن ان ما يروح للكهربا وغير والخ يعني من ادق تفصيل لين اكبره يعني حريصه وامس تقولي بحط كيمرا مراقبه .. اللحين ابا منكم تقولون لي شو رايكم باللي استوى ؟؟
ابا تحليلكم ؟؟
وشو رايكم ب موقف اربيعتي وريلها ؟؟
وحد منكم جرب الكيمرا واستفاد منها ابا تجاربكم ووين ممكن تحصلها؟؟
تسال متى نش كل ولا لاء وشو قاعد يسوي ؟
تقريبا كل ساعتين تتصل .. فالبيريكات اول شي تسويه تكلم بشكارتها تتطمن ع ولدها
وريلها بحكم دوامها ما يقدر لانه يداوم بعيد
بس هالفتره الصبح فالبيت والمسا دوام ف ساعات يضطر ان يطلع يقضي شغلاته
هي والله من كثر ما نسمع سوالف قمنا ما نوثق ف احد
وتحط كاميرات لان هذا ضناها مب لعبة
والله الحافظ
