منو حملت من اول كورس للابر المنشطه . لسلامتك

هلا خواتي .. سلآآمن عليكنـ

انا اتاخر حملي سنه واربع شهور بعد اسقاط في حملي البكر ..

والحين اخذ كورس ابر منشطه ويوم الخميس باذن الله .. الابره التفجيريه ..

قريت في النت وايد حريم حملن بالابر بس من عقب شهوور في العلاج ..

في حد حمل من اول شهر .. ؟؟؟

((هاي اول مره اخذ منشطات .. وحملي الاول كان طبيعي ..
الشهر الي قبله كان عندي جيس على المبيض بس الحمدلله راح بالحبوب ..
والحين اخذ الابر المنشطه ..))

يارب تيسر على عواشهـ واتمم لها وتحمل في ها الشهر يآآآآآآآآآآآآآرب

يااااااااااااارب يا عواش تحملي من اول محاوله يارب

مشكورة غناتي ..

فديتكنــ وين الردود ؟؟

حبيبتي انا ماابي اصدمج عن نفسي انا خذت الكلوميد يمكن 5شهور وبعدها جربت الكلوميد مع الابره يمكن 3 مراات والحمد الله الله كتب وحملت ..

انا خذ معااي وقت وانشااءالله انتي من اول مره تحملين .
الله يرزقج الذريه الصالحه ..

لا افا عليج الغالية ..

الله يعين بس ..

ان شاء الله احمل ..

شوفي الغالية انا في حملي البجر حملت طبيعي من تزوجت على طول ويبت ولدي الله يحفظه
بعدين تأخرت وخذت ابرة وحملت سيده بس الله ما كتب له يعيش وتوقف نبضه وعمره شهرين وسويت عملية غساله وتأخرت سنه بسبة العملية والحمدالله على كل حال
بعدين رديت وخذت مب بس ابره لا ابر عند د. فوفو لمدة خمس ايام وجان تتأخر الدورة وهي صارفتلي دوفاستون وانا الغبيه نسيته وجان اكتشف انه استوالي كيس بسبة الابر ولو خذت الدوفاستون جان نزلت الدوره ونزل الكيس بعد اسبوعين حواطه على المستشفيات كلت دوفاستون ونزلت الدوره وبعدها حملت على طول ولله الحمدالله والحين انا في الثالث الله يحميه ويثبته ويكون بخير ويحفظه من كل شي
اسفه طولت عليج بس بغيت اقولج قصتي عشان تستفيدين .. الابر مفيده بس سمعي كلام الدكتوره ولا تنسين دوا ما تاخذينه في وقته ..
والله يرزقج ويرزق كل محرومه