منو تعاني من تشقق الكعبين ؟!

سلام عليكم بنات ..
بغيتكم تخبروني شو افضل كريم لتششقق الكعبين .. ابدا مب شي جفاف و تششقق

سكرب و نسوي
و كل شهر اسوي بديكير و ينصحوني العاملات بالماسك للكعبين واسوي لكن الترطيب يتم ايام و خلاص
وبليز عطوني كريمات مجربينهن ترطب المكان .
مابا خلطات و هالسوالف ماعندي وقت
و شكرا

يمكن تمشين ع الأرضين من دون ما تلبسين دلاغ ؟؟

يسبب لج تشققات وخشونه

اشتري لج حجر للقدمين من العطاره وسويهه مره فالأسبوع

أدهني ريلج كل ما فضيتي ووقت النوم أكييد

جوفي لج وااايد كريمات خاصه بتشقق القدمين بس انا استخدم زبدة الكاكاو بالمرز ووااايد مرتاحه عليها

وحسيت انه صابونه الأطفاال واايد خفت لي التشققات وأختي قالت نفس الشي والحين واايد مسوين منها أنواع بالبابايا والتوت واهم شي ما تسبب جفاف

بلنسبة لي أفضل شيء كريم زبدة الشيا الأفريقي الأصلي لونه عاجي
أنا أستعمل كريم جويانا منتج ألماني ادهنيهم مع التدليك لين ينشف الجلد وعقب لبسي جوارب قطنية لمدة نصف ساعة

و عليكم السلام
اختي ابد ما انصحج تفركين بالحجر لين تلتأم كل الجروح عدل و تخف التشققات
سوّي مثل ماسويت

تستخدمين flexitol heel magic stick أو flexitol heel palm عدة مرات في اليوم وتلبسين فوقه دلاق

لا تمشين على الرخام او السيراميك حافية

بعد ماتتحسن الحالة تقدرين تستخدمين
VLCC كريم العناية بالقدمين

بعد اسبوعين
سوي بديكير بروحج في البيت
بس قبل ماتفركين بالفايل حطي مزيل الجلد المخصص لحول الاظافر على الاقدام من تحت بس وفركي بيطلع لج نفس المحاية فركي لييييييين ماتنعم ريولج غسلي وحطي كريم VLCC

ـ ماتقصرون خواتي
فعلا زبدة الكاكاو احب مفعولها ع كرشتي يوم كنت حامل ههههه عاد قاعة ريلي بجرب
ـ و وردة الجورية ماقصرتي عالشرح الوافي و اكيد اني بشتري هالكريم
ـ ياختي من كثر مايدهجون ريلج تحسين انها تتقطع اكثر عقب

وحدة من الأخوات نصحتني بكريم ملح البحر الميت الأصلي والحمدلله نتيجة مذهلة من أول يومين
خليتهم بالماء الدافئ لمدة 10 دقائق أول يوم وبعدها حفيتهم ونشفتهم دهنت الكريم ولبست جراب قطني
صاروا مثل الحرير

افركيهم كل اسبوعين عقب باعدي اكثر كل شهر مرة بس
المهم بعد الفرك تنشفين عدل وتحطين كريم وفوقه زلاق