هلا الغاليات اشحالكم عساكم ابخير وسهاله .
بدخل في الموضوع وابيه كل من يدخل يساعدني لو بكلمه اوكي ,
والموضوع هو مشكلة مرت اخويه مع ريلها واليه هوه (أخويه):-
مرت أخويه اتقول انه ريلها مايحسسها انه هو يحبها اتقول مافيه يوم عقب العرس يابلها هديه ولو حتى ورده ,وبعد كل ماتبي اتسويله مفاجأه تخترب ومره هيه كانت لابسه ومتعده وامعدلتله الغرفه
يوم زقرته ياء وضحك وهيه طبعن اهني انحرجت ,وكل وحده كانت مكانها بتنحرج بس ماقالتله شي واتقول من يومه انا ما اتعدله الا يوم هوه يقول ,وهم امعرسين صارلهم 3اشهور مب اكثر والحين هيه امسافره مع امها وهوه عند قوم امايه ,وانا الحين الي اباه انكم اتساعدوني كيف ارمسه واقوله انه يهتم في حرمته وبعد ترى هيه قايلتلي ما اخبره انه حرمته امرمستني وامخبرتني اليه صاير بينهم .
أبيكم اتساعدوني كيف ارمسه وشو اقول ؟؟؟؟؟؟؟؟؟؟؟؟
خلها اتكون كوول وان شاء الله خير الاولاد جيه دفاشة فيهم خخ عادي اختيه قوليلها لا تتضايج وصح هو موقف محرج
انتي رمسيه بطريقة غير مباشرة وحاولي توصلين له الفكرة بس بدون مايحس انج تقصدينه
الله يوفقكم
شوفي يلسي وياه ورمسي جنج ترمسين عن ربيعتج قوليله تصدق يافلان شوفيهم ريايل اليوم هب شرات اول بيقولج ليش قوليله في الاول الريال يهتم في حرمته ومايحط عليها قاصر ويخليها بعيونه يدلعها ويحبها ويحترمها ووووو الخ واليوم ماعاد من زمان اول شي هاي ربيعتي وسميله اسم وهمي وقوليله حليلها معرسه من 6 اشهر وريلها دوم مايحسسها انه يحبها لا بوجوده ولا بغيابه وحتى هديه مايدش عليها فيها وقوليله تصدق هديه مايعطيها لا مناسبات ولا غيره حتى ورده مايعطيها وكل ماتتعدل وتتزين يطنز عليها وبصراحه ربيعتي تعبت منه وايد ومن معاملته وخلاص الحين هي من داخلها عافته صارت ماتحبه بس تجامله لانه ريلها وقوليله وبصراحه جم بتظل تجامله صدقني بيي عليها يوم بتطلب الطلاق منه لان ريال بهاي المشاعر ماينطاق وانا لو ريلي وهو ريلي يسوي فيني جي مااباه شو فايده الموده والرحمه والحب
وقوليله الحرمه ادا مالقت الحنان من القريب من الزوج والحبيب ولقت عنده كل الي تبيه تروح تدور على غيره وتعوفه وتطلق منه
والريال نفس الشي وقوليله لو انتا مكانها وحرمتك ماتحسسك انها تحبك وبحياتها مايابت لك هديه ولو ورده وكل ماتتكشخ لها تطنز عليك بتروم تعيش وياها جي قوليله خليها يعيد ذاكرته للوراء
وقوليله وانتا بعد ادا تحس عمرك مقصر وياحرمتك فكر وحاول تصلح من اغلاطك وقوليله نحن في زمن الفتن وكل شي موجود جي وخلج صارمه في الرمسه مع نوع من العطف على المغلوب امره
ما شالله في كل قسم تكونين انتي أول المشاركات ^__^
فديتج مثل ما قالت الاخت شوااااقي سوي شرات رمستهااا