اليوم كنت فاضية وملانة …
جان أفكر وأقول ليش ما أسوي شيء غير …
قلت بسوي مربى البرتقال …
براويكم الطريقة … وأنتوا قولولي رايكم ..
المقادير :
قلاصين عصير برتقال ( بدون ماي )
5 قلاصات سكر
نص ليمونه
قشور البرتقال ( الي سويتوا فيهم العصير )
قشر الليمون ( الليمونة بكبرها )
زعفران
الطريقة :
1- نحط العصير في جدر ع النار .. (لمدة خمس دقايق)
2- نحط السكر ونخلطه عدل
3- نحط قشور البرتقال والليمون
4- وبعدها نحط الزعفران ( تقدرين تتخلين عن الزعفران )
نخلي الجدر على النار لمدة ساعة أو ساعة قاصر ربع …
وبعد مانخلص …
نصفي الخلطة ( ونخليها تبرد لمدة نص ساعة )
وعقب نحطها في مرطبان ( لازم اتصكونه عدل عشان مايعفن ! )
واتحطينه ف الثلاجة 
حطيته في نفس هالمرطبان … هو طبعا بيكون سايل … مب متماسك وايد .. نفس العسل …
تقدرين تستعملين المربى للحلويات طبعا ( كل الأنواع )نفس الكنافة ……..الخ
وبالهناء والشفاء
