السلام عليكم ورحمة الله
اكيد وااااااايد بنات افتر راسهم من زود ما يسئلون عن مسك الطهارة >_< وكل مرة حد يقولهم شي
طبعاً المسك كذا نووع يا بنات ^___^
عندج الاسود وهو هذا الاصلي والخاص حق المنطقة الحساسة وهو الي ورد فالسنة النبوية
وهاي صورته من زمااان كنت ابيعه وخلص عني ^__^
وانا هذا مالي ^____^
يوم بتين تستخدمينه اتييبين قطنه وتمسحين عليها ابهالمسك بس مسحة وحدة (من عقب الدورة الشهرية)واتمررين القطنه عكامل المنطقة من فووق(هذا بالنسبة للبنت)اما المتزوجة ادخل القطنه داخل واطلعها بيحرقها مال دقيقة وخلاص ^___^مايؤثر سلبياً عالمنطقة بالعكس ينظفها من البكتيريا والفطريات وبالتالي ما بتكون عندج لا التهابات ولا غيره (اهم شي انج ما تكثرين استخدامه يعني بس مرة بالشهر من عقب كل حيظه)اما الايام الباجية تراج بتسخدين غسول المسك وغيره
اهنا الكمية الي بغيت اراويج اياها
احينه خلصنا من مسك الطهارة الاسود الخاص بالمنطقة عقب الدورة (اكيد بييني هالسؤال وين ممكن الاقي هالمسك ؟؟,,اتحصلينه عند العطارين^___^)
واحينه نبا شي ينظف المنطقة يومياً ويخلي ريحتنا فررش طول اليوم ويبعد عنا الالتهابات والافرازات الخايسة الي طفرت ابنا,,^___^وما بيكون هالشي الا مع مرش المسك وغسوله
احينه بعلمكم طريقة صنع الغسول والمرش
طبعاً الغسووول أكيد بيكون حق المنطقة الحساسة ما بيكون للويه >_<اما المرش فراح نستخدمه كمعطر للجسم (ان حبيتي اتغيرين بدل العطور الزيتية الخاصة بالجسم ^___^هذا للي اتحب التغيير مثلي)
اول شي براويكم صورة المسك الي بنستخدمه فالموضوع وهو من عبدالصمد القرشي على 75درهم اتلاقين فيه6قطع
هاي المقادير الي نباها مثل ما اتشوفون^__^
المسك-ماي ورد-ماي عادي انا حطيت ماي شرب-قطن دواير-مطحنة-نايلون-قوطي مع غطاته-مرش-سكين
بقطع المسك لقسمين(حق المرش وحق الغسول)
وحده اغلفها بنايلون واحطها على برد والثانيه احطها بالمطحنه
واطحن(هاي المطحنه باللمس يدوب كمن لمسه وينطحن المسك ابسرعه)اونه عاااد دعاية حق مولينكس ^__^
شوفي شقا انطحن؟؟حلاااته ناعم بالايد يوم اتزخينه
واييب المرش
واعبي
يتبع لا اتردووون ^___^
عقب اظيف ماي الورد
والماي العادي عقب اتخظين المرش زين اما زيين وخلاااص خلصنا معطر الجسم ^___^اترومين تستخدمينه احينه دايركت وريحته ثابته على جسمج طوول اليوم ^___^وقولي مريم ماقالت
احينه خلوونا نبدى بالغسول وهاي المقادير الي تمت
اطحن المسك بالمنحاز(اوووه نسيت اصوره من اول شي)لاحظي كيف طحنته؟؟ما خليته ناعم مثل مرش الجسم متعمدة لأني ابا كسر اتكون فيه يوم بيي استخدمه ,,لأن الكسر بتكون على الجسم وبتذوب من الرطوبة الي فالمنطقة والحرارة بطلع الريحة خبااال عليج^___^
اظيف ماي الورد
شوفي اشكثره بالنسبة للقوطي (قولي تقريباً الربع واشوي بزيادة,,طبعاً ها يعتمد على رغبتج وحبج للماي ورد انا من ناحيتي ماحبه وااايد>_< من جذا اخلي النسبة الاكبر فالغسول حق الماي العادي^__^)
واحينه اظيف الماي العادي ترس القوطي
واخظ القوطي عدل
يوم بتين تستخدمين القطنه هاي اجسفيها من النص ,,والقطنه هاي اتحطينها داخل الغسول واطلعينها,,استخدامها مال مرة وحده بس يعني مسحة وحدة واتفرينها ,,وما اتردين اتحطين القطنه فالقوطي لأنج جذا بتخربين الغسول والشغل كله>_<وانتي ابهالطريقة بتنقلين الجراثيم والميكروبات داخل القوطي,,أهم شي النظاااافة يا بنات فالشغل ^____^
ووووووبس خلاص خلصنا ^__^
اذا عيبكم الموضوع فأنا ما ودي منكم غير الدعوة الطيبة بالتوفيق والستر فالدارين ^___^
والي حابة تنقل المووضوع حلال عليها بشرط ذكر المصدر واسم العضوة ^___^
واي استفسار انا حاظرة
فمان الله
والله يعطيج العافيه
بس ما طلعت عندي ولا صوره من جي ما فهمت وايد >_<
بس ان شالله اضبط كل شي
و يزااااااج الله الف خير 