طلبي وبكل بساطه أبغي ميكاب بس للإستعمال اليومي يعني الأساس فونديشن وبودرة وبلاشر بس إكون مثل ما قلت للإستعمال اليومي اللي ما يأذي البشره أنا بشتري ميكب من أول ويديد بس أبغي ماركات زينه شرا الفورإفر و الكلنك الجفنشي أو ماركه طبيه ما تأذيني عادي لو من الصيديليه بس شي مضمون ما أحب المكياجي بالمره والماك بعد أبغي أبتعد عنها ….
يلا يا حلوات الخبيرة تي تخبرني شو المنتجات وكيف أستعملها ومرة ثانيه أقولكم أبا شي خفيف وللإستعمال اليومي واللي يعطيني منظر طبيعي ومخملي ورائع ولا يأذي بشرتي لأني يوميا بستعمله
هو مكياج خاص بالتنيجر ..
بس عاده انا طوفت التنيجر و بعدني استخدمه خخخخخ
يعطيج لوك طبيعي وااايد..
انا عن نفسي اول شي استخدم البيس
و هذي صورته
واايد حلو و يصقل البشره باللون الوردي ..
و بعده ما احطه احط الكونسيلر تحت عيوني من بودي شوب
و بعده ما احطه احس انه ويهي مب محتاج لكريم اساس ..
لأنه الأساس هو الدمار .. يسود البشره و يخليها مليان عيوب ..
فأكتفي ببودرة بودي شوب
و احط على القطنه ماي قبل لا احط البودره عشان تتوزع و اتم اكثر
و بعدين استخدم بيني تنت من ماركة بنفت روووعه
فرشاته اتييج نفس فرشاة المناكير .. احطه ع شفايفي و عقب احط منه خطين على كل خد و امسحيهم بإيدي
يعطيج لك طبيعي جدااااااا كأنج روحج مورده
و الجحال بعد من بنفت
روعه يعطيج لوك سموكي عجيب
و استخدم فوقه هالمنتج حق التثبيت .. يخلي الجحال يتم يومين
و الماسكرا بعد من بنفت
فرشاتها كبيره و تطول الرموووش..
و اذا فكرت اني اغير احط روج و بلشر بدال البيني تنت .. لازززم احط من بنفت .. لأنه ارواجهم روعه روعه ..
و حتى بلشراتهم تخبل الواحد
و لا تنسييين اول ما تردين البيت تمسحين المكياج من ويهج ..بالكلينكس المطهر
و اخذي قطنه و امسحي عليها ماي ورد و امسحي ويهج فيها … ( عشان اتكونين دايما نفس الورد ههههه )
وهذا موقع ماركة بنفت ..
https://www.benefitcosmetics.com/gp/n…redirectFlag=1
شوفيه وااايد روعه
كلهـــم توب للإستخـــدام اليومي…وخاصة الميركل تاتــش من ماكس فاكتـــور
وااايد حلوة وتغطيتهــا توب,,,