كيف تتعاملين مع بنتج وتكونين مثل الصديقة القريبة لها المومة و الطفل

شو افضل طريقة للتعامل مع بنتج عشان تكونين اهم شي بحياتها وما تفكر تخش عنج شي
وتعطيج اسرارها ونفس الوقت تكسبينها
ممكن نصايح من الي عندهم خبرة

انا عن نفسي ما اصرخ عليها واتكلم معاها بطيب
ودايما لما اتكلم انزل لمستوى نظرها عشان تشوف عيوني وانا اكلمها

اذا يت تكلمج باي شي لو تافه سمعي منها ولاتطنشينها…
شاركيها اهتماماتها وخليها اتشاركج…
لاتواقعينها على الغلط قدام اي حد خذيها على طرف وقوليلها الغلط الي سوته عشان ماتسمحين لغيرج يغلط عليها…

الله يعطيكم العافيه يا بنات .. موضوع وايد حلوو .. ولازم فعلا نركز على علاقاتنا وي بناتنا … صج عيبني الموضوع لان عندي بنت عمرها 5 سنين و حابه اعرف كيف اقدل استوي ربيعتها و امها بنفس الوقت و ما تخش عني شي ؟؟؟

جزاج الله خير على الموضوع انا بعد اعاني من التعامل مع بنتي عمرها 10 سنوات امطنشة الدنيا كل شيى عادي ياماما البسي سويج تطنش احسها ما كبرت يمكن تكون وحيدة طولتها عليكم السموحه

الله يعينا على تربيه هالعيال ،، والله حبيبتي البنت من الصغر لارم تكونين جريبه منها وااايد وتعطينها الثقه بنفسها وتشاركينها كل شي ،، وحسسيها انها كبيره وعطيها مسؤليات صغيره مثل حبيبتي شوفي اخوانج .. ممكن تمسكين هالشي لما ارجع ،، تودينها المطبخ وياج وتخلينها تشاركج بأشياء بسيطه ودووم سولفي وياها لا تقوليين مابتفهم لا بالعكس ،، بتتكون بينك وبينها صداقه والبنت بتوثق بأمها وبتشاركها بهمومها ومع الايام ماراح تكون بينهم حواجز وخاصه فتره المراهقه بيكون هناك نضج عاطفي ومابتخاف تصارح امها بعواطفها وبمشاكلها ،، انا بنتي عمرها خمسه سنيين واحاول اكون لها الام والصديقه في نفس الوقت والله يعينا على هالزمان ،،