انا ما حبيت ايي هني واتشكاا من أم زوجي لأنه صرااحه انا اداريهاا وايد واحترمها وكل ما زاد احترامي لها صارت تحترمني بزياده وتقدرني ودايم امدحها عند زوجي واقولها اذا غلطت على امك كأنك بتغلط عليه وانا ما يعجبني اذا تصرفت معاها او قصرت في حقها بشي كأنك مقصر فيني انا ،، وانا عارفه ان هذا كلام ريلي يوصله لها أول بأول لأنه من نوع ريلي مطيع لوالدته بس احيانا يبدر منه تصرفات طيش وعصبيه ولاكن لأنه امه تحبه تتغاضى عن هذي تصرفات ومايرد لها طلب ، وانا اتعامل معاها اكثر من بناتها يعني ام زوجي ماتأمر على بناتاها جيبوا لي كاسة مايه واذا امرتهم يتعاجزون ويخلونه على الخدم ، بس انا صرت اجيب لها اكل وماي احيانا مابقول لكم دايم اذا كنت جالسه عندها وقالت تبغي الشي فلاني والله اجيبه لها من دون ما تأمر عليه ….
وبالمقابل والدة زوجي من النوع اذا مدحت ما تبطي ترجع لعادتها التذمر يعني انا دوم جالسه عندها عودتها وانا حاليا حامل بشهري تاسع صرت اقول لها ما اقدر اجلس معاكم لازم اريح بالبيت ، بس تشل بخاطرهاا وتسوي ردات فعل انها ماعاد صارت اطيقني ،والشي ثاني لما نطلع انا وريلي نتعشا بمول ونرجع ،تقعد تسأل ريلي ويش بيها تعبانه ولا ويش بس من بكره تصير ماتكلمني ليش ما ادري ومن تصرفات ألي تطلع منها إذا جينا ناكل انا وريلي تقول انا بغرف لكم وتحط العيش قدام ريلي ويكون كميه بسيطه حتى ونحن نتغدا تقعد تترجانا تقول لنا مابتاكلونه حطيت لكم وايد انزين أكل كثير ليش هذا تعامل ماعرف … يعني انا ملاحظه على ام زوجي انه شي مضايقها مني تصرفاتي غلط ، مع كل الاحترام ألي اقوم فيه عشانها حد يفهمني تخيلكم انا تعبت احترم ناس واحطهم فوق راسي ولاكن رغم هذا تلاقين عتاب من صوبهم وانه مهما قمت من واجبات لازم اكون مقصره بحقها ،، وهيه صح انا من نوع اذا رحت عند اهلي استأذن منها بس اذا مره من مرات سألت عني وريلي قالها بوديها عند أهلها بالفون يكلمها اقول لخلاص عندها خبر انا وين بكون اروح يوم كامل بس اليوم ألي بعده ما تلمني وماده البوز عليه وماشي كلام بينا انا طبعا اسكت ولا اظهر اي انطباع لأنه حسيتها تبغيني استأذن منها وكأنها زوجي وانا ماتعودت على هذا الشي صراحه .. المهم بغيت مشورتكمم وشوو برايكمم فهتموا مني ألي قلته والده زوجي ويش ألي مش عاجبهاا مني يا تراا احترت والله بأي طريقه اتعامل معاها او اصير ملك لها 
يعني انا في بيت اهلي محد جلس عليه بين سايره وراده نطلع ولا حد حاسبنا
اني هم مليت وتعبت من احترام كثيرناس
واحبهم واخدمهم ومااقصر معاهم ابد بس كانج ولاشي قررت اتغير من فترة احسن
لان تاذيت من هلشي
خلاص مالي دخل باحد ولا اسوي اي شي لاحد واعيش لنفسي وبس
جزاج الله خير من طيبة قلبج تعاملينها باحسان
بس انتي عودتيها.. فأي تغيير منج للروتين اللي انتي عودتيها عليه لازم بتنكر عليج
من الحين فكري عدل و خططي.. شو الاشياء اللي بتستمرين عليها معاها حتى لو يبتي عيال و كثرت مسؤولياتج
لاتعودينها على شي عقب تقطعينه او تغيرينه
وقت تطلعون برع تتعشين مع ريلج هاتوا لها سفري معاكم.. يمكن اشتهت من اللي انتوا تاكلونه في المطاعم.. و يمكن تتحرى مب عايبنكم أكل البيت.. ماتعرفين كيف تفكيرها
وعادي اذا بتطلعين تخبرينها انج طالعة لأنج ساكنة معاهم ومن الذوق انج تعلمينها بحكم انها كبيرة البيت
المهم انتي استمري معاها بمعاملتج الحسنة و لاتتحسين من اي تصرف يصدر منها اعتبريها مثل امج و داري لها اكثر من امج
قوليلها عموه انا مقصره وياج ف شي؟ واذا قالتلج
لا قوليلها انا اعزج واحترمج وما احب اشوفج زعلانه
مني ف اذا في شي خبريني ع طول ولا تحطين ف خاطرج
شي عليه وماشي فرق اذا انا خبرتج اني بطلع ولا ريلي خبرج
فالنهايه نحن عيالج وسمعيها كلمتين تفرحها وبترضى عليج،
منها بتفهم انه نيتج زينه ومنها تتأكدين انه اي شي بيصير هي
بتي وبترمسج بدون ما تنغزج بالكلام
المشاركة الأصلية كتبت بواسطة مراسيل الوفاآ 
قوليلها عموه انا مقصره وياج ف شي؟ واذا قالتلج
لا قوليلها انا اعزج واحترمج وما احب اشوفج زعلانه
مني ف اذا في شي خبريني ع طول ولا تحطين ف خاطرج
شي عليه وماشي فرق اذا انا خبرتج اني بطلع ولا ريلي خبرج
فالنهايه نحن عيالج وسمعيها كلمتين تفرحها وبترضى عليج،
منها بتفهم انه نيتج زينه ومنها تتأكدين انه اي شي بيصير هي
بتي وبترمسج بدون ما تنغزج بالكلام
