علاج طبي ،،، للشعر الخفيف ،،،،

مرحبا بكن الغاليات بنات المدونة أمس كان عندي موعد مع دكتورة الجلدية (آمنة المهيري) في مستشفى توام ، ومشكلتي ان شعري وايد خفيف ويتساقط ،،، وكانت من اسبوعين مسويالي فحص دم ،،،

وكانت النتيجة ان عندي نقص في الحديد وفيتامين د ،،،، عشا جي وصفتلي حبوب الحديد وفوليك أسيد اللي يوصفوها حق الحوامل ،،،

وسالتها عن رايها في زراعة الشعر والميزوثرابي ،،، قالت لي تنفع مع ناس وناس لا ،،وتكلفتها غالية ،،

عشا جي كتبتلي دوا عبارة عن سبراي ، مب متوفر في المستشفى وما يغطيه ضمان فخذيته من صيدلية العين ب 108درهم ،، قالتلي انه طبي ومرخص ، ويستعمل يوميا مرتين ومع المواضبة بينبت لي شعر ان شا الله خلال 3 اشهر، وما يستخدم للحوامل والمرضعات ،
بس في مقدمة وفوق الراس ( نعمة )

و حبيت انكم تستفيدون من الوصفة الطبية والعلاج هاي
اسم الدوا Neoxidilبتركيز 2%

تسلمييين الغالية ويزااج الله خير =)

تسلمين الغلا ., وما قصرتي بس لازم الدكتور اتقولج ان اذا وقفتي هالدوا شعرج اللي ظهر بيرد يطيح

وانا كنت استخدمه .. وسوي بحث عن هالدوا وشو البناات اللي مستخدمينه شو كاتبين

والسمووحه يمكن احبطج برمستي

الله يعطيج العااافية

للرفع……………..

استخدمته ما منه فاااااايدة لان اذا وقفتي الدوا يرد الشعر يحت مرة ثانيه يعني بالمختصر اذا بتستخدميه لازم فووووووووووووووور ايفر عزيزتي وهذا كلام الدكتورة … وعن تجربه
ما اريد احبطج بس هذا الواقع اكيد الدكتورة قالت لج تستعمليه 3 اشهر عسب يظهر شعر يديد … اقولج انسي ولا تعبين عمرج ….. وجربي مب خسرانه شيئ ………………………….