خواتي سويت طقم لنونوتي … ومتخبلة عليه حبيت تشوفونه وياي …
عبارة عن جوتي وكبوس
هذي اول تجربة لي وانا وايد فرحانه فيها بشكل كبير جدا
وحبيت تشاركوني فرحتي …
طبعا للحين ما زينته بالشرايط او اكسسورار .. لأني لازم اروح اشتري
وانا مستعيلة عليه ..
بسم الله ما شاء الله …
طبعا الغرز المستخدمة .. بس السلسلة والعمود فقط ..
وهذي طريقة الجوتي .. حاولت ارسم بترون مقارب له ..
اول شيء تسوون 63 سلسلة .. وتطلعون عمود وتكملون 60 عمود .. وتطلعنو ثلاث سلال وتكملون اعمدة ..
لين ست سطور ذهابا وايابا ..
وبعد الست سطور تسون 14 سلسلة داخل العمود ..ثم تطلعون ثلاث سلاسل ووتكملون اعمدة …بعدد 32 عمود .. وبنفس الطريقة تطلعون فوق لين ما يصير خمس سطور ..
هني تكون القطعة كاملة … تثبتينها وبعدين تطبقين القطعة من الوسط .. وتخيط أطرافها وتعدلينها ويصير الجوتي كامل …
ان شاء الله يكون الشرح مفهوم .. لن شرحي على قدي …
أما الجوتي …
تسوين مستطيل بعدد ما تبين من الأعمدة .. وتطلعين بعددد ما تبين من السطور ..
وفي النهاية .. تخيطين الطرف .. وتزمين الوسط …
وتعدلينها ويصير الكبوس جاهز …
رايكم يهمني ..وان شاء الله الفكرة واضحه ..
ما شاء الله
لبس العافية إنشاء الله
ممكن اسوين لي واحد حق بنوتي
ورااااح أعطيج قيمته
بليز ردي على ع الخاص
طبعا نريد شرحه((غيرانه))
بس ما شاء الله ما شاء الله يهبل وخاصة على النونو
ربي يسهل عليج ويوفقج فحياتج