لو سمحتوا بغيت طريقه خبز الخمير وكيفيه عمله بالتفصيل …
والله يوفقكم يارب …
المقادير :
كمية من الصحين تقريبا جيلة ونص ،بيضة ،شوية ملح ،ملعقة خميرة كبيره، فنجان سكر ،شوية زعفرانوماء للعجن يكون دافي.
الطريقة: تخلطين المقادير مع بعض وتخلين العجينه غليظه شويه .وتخلينها تتخمر نص ساعة.
عقب تقطعين منها قطع صغيره وتحطينها على جهاز الخمير من فوق وتفردينها على الجهاز بشكل دائري وممكن ترشين على الوجه سمسم أو زعتر ومن تشوفينها تستوي من تحت دخليها داخل الجهاز وحمريها من فوق.
وشوفي طريقة وردة دبي اللي تبيع الجهاز طريقتها بالدبس.
بالمقادير :
1 – 3 اكواب طحين رقم واحد + كوب واحد طحين رقم 2 .
2 – بيضتين + رشة ملح ( مقدار ربع ملعقة صغيرة )
3 – فنجانين سكر + فنجانين حليب بودر + ملعقتين خميرة ( عادية وليست فورية )
4 – كوبين ماء دافي _ او حسب حاجة العجين .
الطريقة :
1 – نذوب حبوب الخميرة في كوب ماء دافي + السكر + الحليب + الملح .
2 – ننخل الطحين ونعجنة لحد ما تتكون عندنا عجينة طرية مش لينة .
3 – نغطي العجينة باحكام ونضعها في مكان دافي لمدة : ساعة الي ساعة ونصف
وبعدين اذا عندج جدر الكهربا تستخدمينه اذا ما تبين تسوين الخبز علي المخبز
حط العجينة في صينية مرشوشة بطحين عشان ماتلصق
وقطعيها الي كور اكبر شوي من حجم الليمون الاصفر وبشتوفين انه حجمها بعد يرتفع اكثر
وافرديها في الجدير ممكن تحطين علي الخبزهبيض او جبن وزعتر
اللي تحبينه
وبالعافية