ابا اعرف راايكم خواتي بهالموضوع
شو رايج بفرق الطبقات بين اهل المعرس واهل العروس
يعني مثلا بنية عاديه ومن عايلة عاديه ومستواهم بسيط والحمد لله جامعيه ولا ثانويه
وتاخذ واحد غني و منصب واسم ومن عايلة ماشاء الله ومستواه الدراسي عالي يعني ماستر او دكتوراه
يعني فرق فرق بين الاثنين من ناحيه المستوى المعيشي
شو رايج بهالموضوع
وانتي لو كنتي من هل المعرس هل بترضين بهالبنية تكون حرمة اخوج او حرمة حد من هلج؟
لو البنية زينه واخلاقها الحمد لله ماشي احسن عنها وقلبها طييب وماتشيل بخاطرها
السؤال:
انتي بترضين ولا لا ؟
واذا رضيتي شو بكون موقفج معاها عقب ..كيف بتعاملينها وكيف بتكون حياتج؟
يعني عقب ممكن تستوي مشاكل ومعايرة الاهل مثلا؟
من حيث النسب او المستوى؟
واذا كان العكس
يعني ريال بسيط ووظيفته عاديه ومستواه جيد وعايلته على قد حالهم
وخذ وحده من عايله غنيه واسم ومنصب وسلطه
اممم ماعرف اذا هالشي استوى ولا لا
بس لو صار
لو كنتي وحده من عايلة هالبنية او هالريال شو بكون موقفج؟ ومعاملتج؟
……
بناااااااااات قولولي رايكم بهالموضوع
واللي عندها قصص او ناس تعرفهم صار هالشي معاهم
تقول لنا كيف حياتهم الحين .. وهل حياتهم مستمرة من غير مشاكل؟
طبعا كل هذا بغض النظر عن منو اختار الثاني
يعني يمكن الريال شاف البنية واعجب فيها سواء من شكلها ولا كلامها واخلاقها وماهمه مستوى البنية
يعني الريال هو اللي يكون مختار البنية وحط هله بأمر الواقع..
=) واسمحوولي لو الموضوع غريب شوي
بس موضوع وحابه نتناقش فيه
من غير اي تجريح او تفريق
هذا شي يمكن ايام التخلف والغباء الفكري !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!
مادري اذا هالشي بعده موجود عند ناس ولا لا !!
الحمد لله اللي ملتزمة بدينها ما بتفكر في هالشي ولا بتطبقه في عايلتها ,, لا امي لا يدتي لا انا ولا اي حد فكر بهالشي !!
مشكورة اختي على موضوعج الطيب ,, خلينا نشوف من البنات اذا يتبعون عندهم هالشي 
والزواج في النهايه مو بالماديات والطبقات بل الاخلاق الحسنه والعشره الطيبه
وان كان الريال محترم واخلاق ودين حتى لو مو غنى او من اسره بسيطه والاب يعرف ان هذا الى بيحافظ ويصون بنته بيزوجه حتى لو كان الاب مركز ومال
المشاركة الأصلية كتبت بواسطة واقع بس خيال 
وعليكم سلام والرحمه
ابا اعرف راايكم خواتي بهالموضوع
شو رايج بفرق الطبقات بين اهل المعرس واهل العروس
يعني مثلا بنية عاديه ومن عايلة عاديه ومستواهم بسيط والحمد لله جامعيه ولا ثانويه
وتاخذ واحد غني و منصب واسم ومن عايلة ماشاء الله ومستواه الدراسي عالي يعني ماستر او دكتوراه
يعني فرق فرق بين الاثنين من ناحيه المستوى المعيشي
شو رايج بهالموضوع
عادي عن نفسي اشوف ان حلو يكون في اختلاف يعني غني ياخذ وحده حالتها متوسط
راح تستفيد منه وبالمقابل راح يستفيد منها بعد مااقصد الجانب المادي فقط
وانتي لو كنتي من هل المعرس هل بترضين بهالبنية تكون حرمة اخوج او حرمة حد من هلج؟
لو البنية زينه واخلاقها الحمد لله ماشي احسن عنها وقلبها طييب وماتشيل بخاطرها
السؤال:
انتي بترضين ولا لا ؟ هي عادي برضا لان المهم عندي الاخلاق والدين
واذا رضيتي شو بكون موقفج معاها عقب ..كيف بتعاملينها وكيف بتكون حياتج؟ مثل ماتعاملني بعاملها
يعني عقب ممكن تستوي مشاكل ومعايرة الاهل مثلا؟ بهالنقطة وايد تصير في بعض العايلات وها ان دل على شي دل على التخلف للاسفمن حيث النسب او المستوى؟
واذا كان العكس
يعني ريال بسيط ووظيفته عاديه ومستواه جيد وعايلته على قد حالهم
وخذ وحده من عايله غنيه واسم ومنصب وسلطه
اممم ماعرف اذا هالشي استوى ولا لا
بس لو صار
لو كنتي وحده من عايلة هالبنية او هالريال شو بكون موقفج؟ ومعاملتج؟
امثل ماقلت لج قناعتي هي بالاخلاق والدين والحب اكيد ودام هالاشياء موجوده ماظن بهتم لهالنقطة
……
=) واسمحوولي لو الموضوع غريب شوي
بس موضوع وحابه نتناقش فيه
من غير اي تجريح او تفريق
يعطيج الف عافية
الفرق بين الناس في تقواهم وبس
سواء شفتها بين ربيعاتي..الشغل..المجتمع
الريال لما يكون مستواه المادي عادي..والحرمه تكون غنيه وهلها معودينها عالبطره
فالبدايه ممكن تقول عااادي..بس عقب الزواج راح تطلع أشيا وايد
بتحس انها ما تصرف شرات بيت هلها..حد يحاسبها..ما تاخذ اللي بخاطرها الا بقياس
يعني ممكن لو الشي بخاطرها تأجله للشهر الثاني وما تشتري كل شي بنفس الوقت
يعني اذا هالشهر عباه الثاني شنطه وجيه
حتى الرصيد ممكن يحاسبها بينما هي في بيت هلها محد يرمس يعطونها اللي تباه
بتقوله ليش وليش؟؟
ممكن تتحمل وممكن تمشي الوضع لكن بتحسسه ان مب عايبنها بطريقه مباشره ولا غير مباشره
ممكن هالشي يخليه يضايج وبالتالي تصير المشاكل
لا تقولون عادي ومافيها شي
الريال لو غني وخذ وحده عاديه مافيها شي
بس العكس اذا الحرمه غنيه والريال مستواه عادي بيحس بفرق
ويمكن هلها لما يزورونها يوجبونها وما يخلون شي ما اييبونه بالتالي اطراف العايله الثانيه راح يتحسسون
ويمكن بيي في بالهم..هيه شوفو خقاقين يبونا نشوف ان عندهم فلوس..بينما الطرف الاول ماشي بخاطره
وهم متعودين جيه
يعني الريال هو بيطفر مب الحرمه ومرات العكس
ماقول ما تصير..
مرات المركب تراها تمشي بس مرات تصير وايد اشيا
ربيعتيه مستواها المادي وايد اوك خذت واحد على الراتب بس
قعد يقيدها
الرصيد بحساب
الاغراض بحساب
طبعا لان المصروف ما يسد
ولازم يوفرون قعدت وتحملت كم شهر
بعدين ماقدرت قالت حتى الرصيد يحاسبني مع انها نوعا ما قنووعه بس حست بالفرق الشااسع
وهلها مرات ياخذون لها اغراض بطيب نيه
هو قام يتحسس
ليش اييبون لج
شو ماقدر اصرف عليج
ههه وايد فخاطريه بس ولديه يصيح