شحاالكن خواااتي ؟؟
أنــــــا متوهقه ><
سلموني بيزات الزهبة و قالولي عندج 3 شهور تزهبي فيهن
و أنــا ما عرف شو السالفة ،،
عرسي 7 – 8 – 2024
حجزنا القاعة و المكياج بس !!
الحين اللي أعرفه اني لازم اخذ أشيا ،،
بس أنـا ما عرف شو هالاشيااا
يعني شقااايل أرتب الأمور ، شو هي الأغراض اللي لازم اخذها
شو قبل و شو عقب ،،
بناات بليييييييز أفيدوووني يزااكن الله خير
أريد لسته في أغرااض الزهبة
شو اخذ ؟؟
تعرفين ان عرسي بداية 6 ومتوهقة مثلج ؟
الله يعين يارب
الخوات ما يقصرن ،،
المشكلة أنـا ذوقي صعب و ما اقتنع بأي شي
وااااااااااااااااااااااااا
أفيدونـــــــا
……..
بس اهم شي انج تكونين منظمة ميزانيتج لكل شي ..ولاتكونين مفجوعة وتشترين وايد..
مبروووووووووووووووووووووووووك..
يوم شفت تاريخ عرسج عورني قلبي لأن نفس تاريخ عرسي بس انا من بوظبي…
للحين ماشريت شي وماسويت شي..امس سرت الشارجه عشان اشوف الكوش وللأسف ماعيبني شي وماعرف وين اسير؟…التصوير حجزت عند فوتوغرافيا الي عدنا فبوظبي..
اما زهبتي فللحين ماخذيت شي قلت تو الناس يعني المخاوير ببدى فيها احين بس الباقي احس مب وقت يعني المكياج والعطور قبل العرس بشهر والباقي ببدى فيهن شهر 5 ان شاء الله..
الله يوفقج يارب واذا بغيتي اي شي انا جاهزه…
أريد أعرف شقاا ارتب أموري ، البيزات ، الاغراض ، الترتيب
كل شي
مابا اسير السوق شرا الهبله بدون تخطيط مسبق لكل شي
فديتج و الله ، الله يوفقنا ان شاااء الله
بس أنـا أعرف عمري ما بقول توا الناااس
لاني صعبه في السووق ، مب اي شي يعيبني
يعني واايد بدوور ، و انا ماعرف شو الاغرااض اللي لازم اخذها بالضبط
نهاية الاسبوع بسير للكروت و الكوشة
بس الاشياا الثاانية شرا الاغرااض مب عارفة
الله يعين