شرايكم بمدرسة الشويفات ف بوظبي – فرع خليفة أ في الامارات

مرحبا بنات

ادور روضة لبنتي كيجي ون – وانا ساكنه ف خليفة أ

شرايكم بالشويفات ؟؟ انا السمعه اللي ماخذتنها عن الشويفات انها وااايد open
و اخلاق الطلبة شوي مب لهناك .. طبعا هذا سمعته عن فرع الشارجه

ف ما ادري فرع بوظبي كيف؟؟

واللي تعرف اي مدرسة ثانية اوووكي بهالمنطقة و نظامها بريطاني يا ريت تخبرني….

موفقــه ان شااء اللــه

وللــرفــع,,

ربي اني لما أنزلت إلي من خير فقيـــر,,

انا كنت مجربة شويفات اللي داخل ابوظبي ما قد شفت شيئ مب اوكية

وفرع خليفة بعد محد ذمة وبعدين الشين والزين بكل مكان لكن لابد من المتابعة الدائمة

والحين انا بشويفات العين اكثر من اربع سنوات الحمدلله الامور طيبة بالعكس وايد

متشددين ومتابعين اللهم الكبار عندهم حرية يطلعون برا وقت البريك لكن الصغار محافظين

عليهم توكلي على الله هو الحافظ وما فيه مدرسة كاملة لانه الكمال لله والتربية الاساسية

من البيت

للرفع

حبيبتي انا بنتي فيها كيجي ون والحين ان شالله بسجل ولدي اتوكلي على الله كل المدارس فيها عيوب اهم شي المتابعه فالبيت
الحلو فيهم يرجعون بدون كتب ولا واجبات

هلا… ولدي في نفس المدرسة من الكي جي ون وهو الحين في جريد ون والحمدلله ما شفت شي من المدرسة ومستواه زين ما شاء الله وتوني مسجلة اخته حق الكي جين ون للسنة الياية والله يوفق الجميع.