ينتقل قريب لبيتي اليديد وسامح الله ريلي مسويلي صاله عزكن الله باب الحمام بنص اليدار اللي مجابل التلفزيون
ماعرف الحين كيف بوزع الكنب ولا كيف ارتبهن يعني ما أحس انه حلو أفصل الكنب على طول اليدار ويفصل بينهم باب الحمام أحسه غلط
نفس الوقت فكرت اشتري طقمين كتب مختلفين بس قريبين فالألأن واوزعهن طقم يمين ويسر
ومرة اقول جهة كنب وجهة قعدة عربيه بس اللي تكون مرتفعه.
افففف عورني راسي بسبة هالغلطة اللي سواهاريلي والمقتول
لدرجة تتضايق طول اليوم من التفكير
ساعدوني الله يخليكم وملاحظة لحد يقولي احط طاولة طعام لان عندي اطفال صغار وما افكر احط فالصاله
ومشكوووورااااااات مقدماااا
مثل ماقلتي كنب موزع يكون احسن اما جلسه من صوب وكنب من صوب مب حلوه
في فكرتين تقدرين تنفذينهم:
الاولى تصلح لو مساحة الصالة كبيرة.. اتركي مسافة متر او اكثر جدام الباب و رتبي طقم الجلوس عادي كان الباب موب موجود.. بس لازم تكون المسافة كافية للمرور للداخل من الباب و لا يكون في تقييد في الحركة..
الفكرة الثانية و انا كنت مسوياها بالشقة عندي قبل .. في ستاند للتلفزيون يكون مناسب للاركان و متحرك بعد .. ترومين توجهين الشاشة للصوب اللي تبينه .. كان التلفزيون معلق في الركن اللي في نفس جانب الباب او اي جانب اخر مناسب.. و جي ترومين ترتبين الصالة بالشكل اللي يناسبج..
اتمنى تكون الافكار مفيدة و لا تنسينا من صالح الدعوات
الله يوفقج
انا معاج يوم قلتي انج تسوين قعدتين ،،
جي بيكون الشكل احلى دام في باب فنص الصاله
^^
للفوالة والقهوة حطي طاولة تتحرك بتكون سهلة عليج لما يون الضيوف وتنرد للمطبخ عن يتعوروا اليهال