سؤال بخصوص الخدم لمشاكل المنزل

السلام عليكم ورحمة الله وبركاته
انا جبت خدامة لأني مضطرة وهاي اول خدامة اجيبها
من يوم وصلت لاحظت انها مب يايبة ملابس معاها بس قميصين وبنطلونين
وطلبت مني اشتريلها واعطيهاعدة النظافة
المهم انا قلتلها بأشتريلج هالشهر من عندي والشهر الياي انتي تشترين ( اقصد مواد التنظيف ) اخذتلها يونيفورمات وحجابات وبيجامات للنوم ونعال عزكم الله وشامبو وصابون وفرشة اسنان والمعجون وفازلين وملابس داخلية حتى فراش اشتريتلها واحد يديد
بس احس اني مش ملزومة اشتريلها عدة النظافة كل شهر
المفروض هي اللي تشتري
صح ولا انا غلطانة
وبالنسبة للمعاملة اعاملها احسن معاملة وخليتها تكلم اهلها مرتين من فوني وعلى حسابي
للعلم هي كملت عندي شهر بس
شو تنصحوني اشتريلها كل شهر ولا لازم هي تشتري لأني ما اعرف شورو علي
ولكم كل الشكر

هلا اختي. انتي عليج من الاساسيات. عليج تاخذيلها شامبو، شاور جل، ليفة، مزيل العرق، اولويز، يونيفورم، منشفة، نعال، مشط، لحاف او بطانية. وبس.
اما الباقي مثلا لو بغت كريم مرطب حق ويها او اشياء ثانية ادلع عمرها هي تاخذلها. انا جي اسوي. وعندي خدامات من 4 سنوات. وخلاص متفقين.

قصدي اول ما توصل الخدامة تاخذيلها الاساسيات : شامبو، شاور جل، ليفة، مزيل العرق، اولويز، يونيفورم، منشفة، نعال، مشط، لحاف او بطانية. فرشاة ومعجون اسنان وبس.

وكل شهر تاخذيلها شامبو، شاور جل، مزيل العرق، معجون اسنان او اذا خلصوا عنها تخبرج. احس هالشي عليج مش عليها. لكن خبرتج اذا في اشياء ثانية تباها عليها طبعا.

مشكورة اخت غزالة ما قصرتي

يختي خذيلها واعتبريهن صدقة عنج وعن اهلج ومابيكلفج 100 درهم

عدة النظافه من شامبو و صابون ومعجون وكوتكس انا اشتري حق خدامتي كل شهر. بس مال دلع كريمات تبيض وجي لا هي عليها.