دلوعة بوظبي ذكرتني ب المصحف و السيادة ،، لا تنسون أهم شي في حياتكم
أولا: تحديد الميزانية، يعني لازم اتعرفين كم مهرج و كم عندج و بكم بتشترين و كم بتخلين عندج؟
يعني يعتمد إذا أنتي موظفة أو طالبة أو يالسة في البيت ، و إذا عندج حساب قبل و إلا لا …. ع حسب كل وحدة ، يعني قولي انا بشتري بهالكثر و بخلي لي هالكثر ( توفير)
ثانيا: لا تتشرين واااااااايد ، لأنه من أكبر الأخطاء و لماذا؟؟ لأنج بتردين تشترين بعد العرس اقلها بشهرين، لنه احتمال 50% مقاساتج تتغير
ثالثا: الصالون، حطي ميزانيتج العادية للصالون بعد العرس بشهر تقريبا تراج لازم بتردين بتسيرين و إذا سويتي ليزر تراه أحسن لج، إذا عندج فترة كافية سيري سوي رياضة حتى لو جسمج حلو ، غير البنت اللي فيها لياقة و تكون خفيفة الحركة
رابعا: لو سمحتي يا عروس ، كوني هادية و باردة ترى العصبية ما بتفيدج حتى لو ما عطوج وقت غير أسبوع سواء حق العرس أو الملجة ، عادي تراج اترومين أتخلصين، ريلاكس و هدوء ،، عروس كلاس ( راقية) تتخيلين؟؟؟؟
خامسا: نبدأ دايما بالأهم ثم المهم، أدري بتقولين كل شي مهم ،، لا طبعا شي مهم و شي أهم منه.
سادسا: اطبعي هالجدول و اللي تخلصينه حطي عليه علامة صح، و اللي أهل ريلج بيسونه أو ((ريلج بيسويه)) حطي عليه صح عشان ما تحاتينه بس بعد تابعي هالشي ، لأنه يخص عرسج بس عاد لا تأذينهم.
سابعا: كتبي التفاصيل لنه بيساعدج هالشي أنج ما تردين تفتحين أغراضج مرة ثانية و تدورين هل هالشي أنا خذته و إلا لونه شو؟و إلا من وين ؟ يعني ما له داعي تعفسين أغراضج.
ثامنا: المكياج و العطور خليهن قبل شهر أو اقل من العرس خذيهن، و لا تآخذين وايد إذا تعرفين إنه بتيج هدايا
تاسعا: إذا بتسافرين هاي الشنطة ترتيبها غير، بنتكلم عنها بعد الزهبة
عاشرا: رتبي لج مكان في الغرفة أنج هني بتحطين زهبتج، و ترى ما في فرق بين شنطتين و عشرين شنطة زهبة
ملاحظة: اعرفي وين بتسكنين ؟؟ يعني في بيت بروحج ، قسم بروحج ، غرفة ، شقة ، برع البلاد لأنه زهبتج تعتمد ع هالشي
الميزانية: ……………….. درهم
الفستان: ……………….درهم
المسكة (الباقة): ساعات تلقونها و يا الفستان……….درهم
نعال العرس:
الصالون: المكياج و التجهيز حق العرس:……….درهم
قمصان النوم:……….درهم
بيجامات:
قمصان نوم:
قميص أول يوم: لا تشترينه فوق 1000 درهم لنه ما يسوى بتلبسينه مرة مرتين و خلاص حتى لو خليته عندج، ما بتلبسينه وااايد،،،
ملابس داخليه: أطقم راقيه و أطقم عملية، خذي شي أنتي متعودة تآخذينه مب يديد عشان ما يضايقج
نعول و جواتي:……….درهم
شنط يد (حقائب): ………. درهم
شنط عملية + ملونة:
شنط أعراس:
مستلزمات: اللي هيه أدوات النظافة يمكن ما تآخذ 700 درهم
الشامبو و الصابون و مقص الأظافر و الشاور جل ، مشط، سشوار، مزيل المكياج ، فوط صحية لنج ما بتقولين لريلج
ودني بشتري من أول شهر، كريمات لليد و الوجه و لا تستخدمين شي يديد استخدمي أشياء أنتي تعرفينها و واثقة منها
فرشاة و معجون، ديودرنت. تتضمن الشباصات (كليب مال الشعر)
و الفوط (محل راقي في الستي سنتر اسمه كير بلانك شوي غالي بس يستاهلن)
عالم المرأة
الشيل و العبي : ……….درهم و ع حسب ميزانيتج
عباتين ساده: مسكرة و مفتوحة
عبي أعراس:
عبي أطقم:
شيل ملونة (سكارفات):
مخاوير و جلابيات للبيت:……….درهم
جلابيات مغربية إذا انتوا راعين عزايم و حفلات عشا
فساتين: كفاية 2 لأنه بسرعة موضتهن بتروح و دايما خذي الشي الراقي عشان ايتم
المكياج:……….درهم
عالم المرأة
أيشدو ،جحال، فاونديشن، بلاشر،كونسيلر، بودرة، لمعة
العطور:
عالم المرأة
دهن عود:
دخون، و دلوعة بوظبي ذكرتني بالمدخن
عطور عربية:
ذهب:
ساعات:
عالم المرأة
الثياب:
بناطلين:
تنانير:
بدل كاملة:
بديات:
بدل لبيت، لنج يا حلوة ما بتمين دايما بجلابية أو بيجامة أو قميص نوم في البيت و بالذات في غرفتج
اكسسوارات:
ملاحظة
رجعت الملف لنه بدون صور ،، و الصور فقط للمدونة
انشالله ما نسيت شي ، ضيفوا الاشياء اللي أنتوا تبونها ، و امسحوا الأشياء اللي ما تبونها، حبيت أساعد و أتمنى أنكم تدعون لي، و أباكم إذا فادكم هالملف تقولون لي و تكتبون لي في موضوعي عشان أستانس و أتمنى من اللي تحمل الملف ترد عليه بالموضوع لو برد بسيط،، أو اطرش لي ايميل.
حصريا: لمدونة سيدات الامارات،، و إذا نقل لمدونة آخر يرجى ذكر اسمي و اسم المدونة
ونفعناااااااج بربااااااج ..
وجاري التنزيل
مشكووووره و ما قصرتي يالغاليه
عسى الله يتمم حملج و يوصل ولدج بالسلامه
و ان شالله ينور عليكم حياتكم
عسى الله يسعدج دنيا و اخره
و اللي قرا ردي يقوول امييييييييييين
انا سيفته الحين و انشالله بقراه
يسلمووو ^_^ عنوني
والصراحة جد تستاهلين الشكر على المجهود
والله يوفقج في حياتج وحملج ويرزقج بالذرية الصالحة ^_^
الله يجعله في ميزان حسنااااااااااااااااتج
المشاركة الأصلية كتبت بواسطة *رووح اسموه* 
ونفعناااااااج بربااااااج ..
وجاري التنزيل
تسلمين حبيبتي ،، و نحضر عرسج انشالله ،،
المشاركة الأصلية كتبت بواسطة جنيه غاويه مشكووووره و ما قصرتي يالغاليه
عسى الله يتمم حملج و يوصل ولدج بالسلامه
و ان شالله ينور عليكم حياتكم
عسى الله يسعدج دنيا و اخره
و اللي قرا ردي يقوول امييييييييييين
انا سيفته الحين و انشالله بقراه
يسلمووو ^_^ عنوني
آمين و مشكورة فرحتيني والله و انشالله تستفيدين و تفيدين غيرج
و تسلم عيونج