خواتي حريم العين اريد أرائكن ومشاركتكن ويايه
.gif "12 (75)")
اريد اسالكن وتجاوبني لاني بصراحة ماعارفه شو مستوي كمن حرمة مربيات قريب في العين والياهل ايي مريض خاصة الولد واريد اطرح عليكن كم سؤال:-
1.الاخت حامل والا مربية قريب؟؟
2.حامل والا مربية ببنت والا ولد ؟؟
3.هل استخدمتي فيتامين د في فترة الحمل؟؟ وكم وحده دولية؟؟ومن اي شهر بديتي تستخدمينه؟؟
4.فأي مستشفى اتابعين الحمل ؟؟
ارجوا الاجابة ع اسئلتيه لان الموضوع حساس ووايد مهم بالنسبة لي
فالثامن شوه مشكلته خوفتيني ردي بسرعه الله يخليج
انتي حامل بولد ؟؟ وشو صحته؟؟
لا تخافين انا بس ابا اعرف انا تفكيري صح والا بس اهويس؟؟لان جنيني عنده مشكله فقلبه وانا اوسوس وايد بالاسباب
وقالولي لازم ما تاخذين فيتامين د الحين لين الشهر الرابع وبديت به من اول بادي حبوب مثل البندول الجديم
ولحين حبوب صغار بس كم وحده دوليه ما عرف وقولي مامنه ضرر ولازم اخذه عشان العظام لانه نقص يسوي هشاشه
2.حامل والا مربية ببنت والا ولد ؟؟بولد
4.فأي مستشفى اتابعين الحمل ؟؟ مستشفى الواحه
والحمد لله صحه زينه .. ون شا الله تشوفين جنين بصحه وسلامه خلقا وخلقا اميين يارب
عطوني فيتامين د عقب ما سوولي فحص وشافت أن وايد ناقص عندي ،
أعتقد من الشهر السادس حبة يوميا لمدة شهر ،
وعقب راجعتهم وعطوني حبة يوميا مره ثانية لمدة شهر
أتابع في مستشفى الواحة .
أختي بعد حامل بس بولد وشراتي يعطونها فيتامين د ،
بأول صورة تفصيلية قالولها البيبي صغير .. وسوولها مره ثانية عقب شهر ،
بعد قالولها احتمال في مشكلة في قلب البيبي ><‘ ،
عقب ردوا يسوولها الصورة .. والحمد لله طلع كل شيء تمام ..
لا تفكرين وايد أختي .. توكلي على رب العالمين ،
وكثري دعاء واستغفار .. وإن شاء الله خير