حد مجرب المنهج الامريكي للصف الاول في مدرسة الوحدة الخاصة في الشارجة في الامارات

شحالكم خواتي
من فتره المدرسه مطرشين ورقه عسب نختار اي منهج نختار للصف الاول العربي او الامريكي ريلي يبا ادرس بنتي الامريكي بس المشكله اني خايفه ما تمشي في مادة العلوم .. ما ادري لوحد مدخل عياله صف اول ابتدائي منهج امريكي يفيدني ويخبرني كيف المنهج على عيالهم هل بتمشي بنتي والا ببهدلها في الدراسه مع العلم انها درست بس ثاني روضه عندهم والمدرسه مالها تقول ان شاء الله بتمشي .. اتمنى حد يفيدني وجزاكم الله الف خير

صباح الخير
انا ربيعتي ادرس بناتها الرياضيات و العلوم منهج امريكي
صعب ويباله تعب وخاصه اذا انتي تتكلمين انجلش زين عشان اتراجعيلها
بس لمستقبلها وايد زين

شكرا للاخت هند سلطان لرفع الموضوع وشكرا للاخت ام عواشي على الرد بس اتمنى يرد علي حد مجرب المدرسه

وينكم خواتي ابا اقرا ردودكم الطيبه

هلا اختي…

انا بنتي تدرس عندهم الصف الثاني- المنهج الأمريكي يعني عندهم من العام واشوف دراستهم يعني زينه ما عليه بنتج بتمشيه لانهم وايد يتساهلون في دراستهم بس انا حابه انقل بنتي لاني اباها تكون احسن في كل المواد…

اختى انا اريد ان استفسر منك عن
مستوى المدرسة فى الروضة لانى اريد ان اقدم لابنى كى جى1
واسال ايضا عن الاسعار
وعن مكان المدرسة بالضبط
واعتذر عن ازعاجك