شحالكم ؟
بغيت أستفسر عن حبوب نقص الحديد .. أستخدمتهن من يومين .. الدكتورة وصفتهن لي ?ن .. نسبة الحديد عندي 59 .. ودمي 7.8
وأنصدمت اليوم بتغير لون البراز للون ا?سود .. مع أن قريت بالورقة تبع الحبوب أنه شيء طبيعي
هل فيه وحدة منكم استخدمتهن وصار معاها كذا .. وألا لأن أنا نسبة الحديد والدم وايد ناقصة عندي وألا ماله دخل ؟
وهل طول فترة إستخدامي للحبوب بيظل اللون كذا وألا مع الوقت يتغير ؟
ومشكوورين مقدماً
لا تحاتين هذا جدا طبيعي ودكتورتي اكدت لي هالشي
ولعلمج أنا كنت آخذهم في الحمل وارتحت عليهم لأن عندي أنيميا حااادة وكل أنواع الحديد كانت تعور بطني وتسبب لي وانتي بكرامة امسااااك فضيع
هالحبوب هي الوحيييده اللي والمتني وارتحت عليهم
ربي يشفيج ويعافيج يالغالية
وحاولي تاكلين اشياء فيها حديد
سويلج كبد ولحوم حمراء وكلي رمان وسبانخ فيهم نسبة حديد كبيرة
اذا انتي حامل ثالاسيميا فمعناته عندج زياده في نسبه الحديد ..
والانيميا هو نقض الحديد ،،
و في حاله انه تكونون حامل ثالسيميا و فيج انيميا في نفس الوقت ،،
اذا فعلا نسبه الحديد نازله عندج فاخذي الدوا ،،
بس الدوا لازم تاخذينه وانت ي يالسه و تشربين معاه كميه كبيره من الماي و لازم ما تنامين عقب ما تاخذين الدوا بساعه عسب ما تتاثير وايد بالم المعده او الامساك ..
الدووا يسبب تغير في اللون صح بس عقب بسبب لج امساك والم في البطن و وايد اشيا ،،
انا عن نفسي فيني 2 ونسبه الحديد عندي 2 بس كان الدوا وايد يتعبني فوقفت بس كنت اكل بداله اشيا غنيه بالحديد مثل اللحم و الكبده و كنت اكل تبوله بشكل يومي و جرجير ..
اصحج بالجرجير اذا تبين ترفعين دمج لان تقدرين توصلينه ل 11 في شهر واحد بس لازم تاكلينه كل يوم ،، صح طعمه مر بس انا كنت اكله مع ليمون او اسويلي شلطه جرجير ..
اتمنى اكون افدتج ..
طمنتوني .. بس صار عندي شك بخصوص الثلاسيميا , ?ن أختي فيها وقالولها وراثي .. وأنا مادري إذا حاملة للمرض أو ?
مب شرط اذا اختج حامل للمرض انتي بعد تكونين حامل الا اذا الابوين اثنينتهم حاملين للمرض