جامعة بوظبي اللي ف العيــــــن تعليم الامارات

جامعة بوظبي اللي في العين::

الجامعة من حيث البنيان وشكلها ودزاينها فهي عبارة عن مجموعة كلاسات أرضية يعني مب طوابق ..
صغيرونه لكنها مشيه حالها..
فيها 3 لا بات كمبيوتر ، و مصلى ،و كفتيريا عاديه ،و مكتبة ، و فيها بوك شوب ..

أما بالنسبة للدراسة:فهي إنجليزي في إنجليزي..كل التخصصات بالإنجليزي إلا اللغة العربية والإسلامية..

التخصصات: تقنية معلومات ،و إدارة أعمال ،و إنجليزي ،و رياضيات وعلوم ، ولغة عربية وإسلامية..

بالنسبة للي يبى يسجل فيها يديد: أول شي يمتحن تحديد مستوى في الإنجليزي..وهالإمتحان بيحدد أي مستوى يدخل في الإنجليزي << يسمى معهد الإنجليزي..
عبارة ع خمس مستويات المستوى الأول أقل شي ..الدراسة فيه تستمر حق كل مستوى شهرين..
ياخذ الطالب فية قراءة وكتابة وأستماع و قواعد وتحدث..
طبعا الدراسة في هالمعهد إجبارية << يسمى الدراسة في الليفلات..
تقدرين تاخذين مع كل مستوى مادة او مادتين من متطلبات الجامعة…
وهي عبارة عن 11 مادة أساسية و مادتين إختياري من أي كلية فيها..

اللي عندة شهادة توفل يمكن يكون مستوى خامس او رابع..يعني مرتبة مرتفعة..

وبعد دراسة تستمر كورسين في أقل تقدير تقدرين تاخذين مواد من الكلية اللي تبينها ..مع العلم إنه أي طالبه دارسة من قبل في أي جامعة أو كلية يمكن معادلة بعض المواد لها << اللي ما يقل تقديرها عن B..

بالنسبة للمواصلات : موفرة باصات لكل المناطق ..
بالنسبة للسكن: عندها سكنات بس في البريمي..
بالنسبة للأسعار: مستويات الإنجليزي >> كل مستوى 4000 درهم يمكن زاد الحين..
أي مساق : 1950 درهم
تقديم طلب الألتحاق: 100 درهم ..
خدمات إنترنت: 300 درهم.
الكتب: كل كتاب له سعر بشكل عام الأسعار تبدأ من 50 درهم إلى 300 درهم..يمكن أكثر..
الموصلات : ع حسب المناطق << أقرب منطقة للجامعة 1000 درهم..
والسكن: ما أدري..

بالنسبة للهيئة التدريسية: أجانب ،و زلمات، ومصريين ،و فيه عراقيين.

ملاحظة ،،،،
الرسوم: مب ثابته كل سنة تطلع قوانين يديدة…

لكن الفرع الرئيسي اللي في بوظبي واااااااااايد كشخة واااااايد مرتب ياخذ من ديزاين الجامعات الأمريكية المطورة ..مرتب ومسواي من الخاطر …من كل النواحي..