تجمّع لطّوف لأبلات الثانويه تعليم الامارات

السلام عليكم و الرحمه ،،

حبّيت افتتح تجمع للمعلّمات و بخص به ابلات الثانويه

نتجمع فيه،، نسولف،، نبشّر بعض بالخير،، و نشتكي همومنا
نتبادل افكار و نتناقش بالاخبار،،

خصوصا ان الدوامات ما بقى عنها شي ،،

الي بيصير ان التجمع مع السوالف و الاخبار و النقاشات بتكون فيه فعاليات بإذن الله

الفعاليات بتتضمن مسابقات و سحب و غيره ،، الافكار بعدها في بالي و ان شا الله مع اول اسبوع دوام

ببدا احط لكم الافكار،، و اهم شي نتعاون فكل شي،،

تبادل افكار: الاداره الصفيّه، انشطه مدرسيه، اذاعات، فعاليّات، و حتى طرق تحفيز الطالبات و غيرها

طبيعة الفعاليات الي فبالي و هاي امثله عليها لتغيير الجو: تصوير احلا مكتب، شو داخل شنطتج؟ و من هالسوالف

ممكن تكوون الجوااايز: رصيد و غيره و ممكن تكوون عقاب تحضرين ورقة عمل لابله من التجمع << فيني نذاله خخخخ

خلوني احط مقدمه بسيطه عشان تتحمّسون

يقال فينا:

هُوَ المُعَلِّمُ لَيْتَ النَّاسَ تَغْبِطُهُ بِالعِلْمِ يَمْضِي وَصَوْتُ الحَقِّ دَاعِيهِ

قُمْ لِلمُعَلِّمِ تَبْجِيلاً وَتَعْظِيمًا فَهْوَ المُؤَهَّلُ لِلْمَعْرُوفِ يُسْدِيهِ

قرّبت العوده للمدارس،،

مناوبه،، طابور،، اذاعه،، شرح،، تصحيح،، علامات،،

المعلمه الجندي المجهول الي يخرّج اجيال و اجيال،، و لله الحمد،،

هذا التجمع متنفّس لهالروح الي تجتهد و تحاول عشان ترضي رب العالمين اولا و اخيرا

أتمنى نكون ايد وحده،،، نتعاون و نتساعد و نفرفش مع بعض