بس بغيت اقولكن كل الي صااار وبغيت اخذ رايكن بلي بسويه..!!!
وشكر كل وحده راسلتني
الي ماعرفت موضوعي الاول بتلاقيه هنيه
https://forum.uaewomen.net/showthread…384313&page=16
اليوم الصبح نشيت مالقيته تريته لين اساعه 2 اظهر كان رايح المزرعه
قلتله وين سويج السياره قال ليش قلت له مغيبه خاتم ادوره
عطاااني السويج والي شوي تبعني وهو متخوووف
ركب اسياااره وقاال متى مضيعتنه
قلت له يا بوو فلااان نزل التلفون من السده وفتحه قدااامي
بغا يمووت قال اي تلفووون قلتله لا تخليني اعلي صوتي وسمع اهلك ,, انا ساكنه بقسم في بيت اهله ,,
ماطااع قال لا شو بسووووين قلتله اوكي تحمل نتيجت اخطائك
اذا ماطلعته وفتحته قدااامي بروح بيت هلي والحين وبشل عياااالي
قاااال انزين بس عطيني فرصه اروح وبرد شوي بسيااااره عندي شغل
قلت له اطلع من هنيه وانا بطلع من هنيه
خلنا هادين وتعال الغرفه وفتحه قاااامي
يا الغرفه وسكرنا الباب
قالي يا ام فلان انا بقولج شي هل تلفووون مابينفتح لو شو مااايصييير
اهون علي تروحين بيت هلج ولا تشوفين الي فيه..
قلت له اوكي خله لك شليت عيااالي وربع وقفل الباب وقالي ماتطلعين
قلت له ابا اشووووف من هاي الي خنتني ثاني مره وياهاااا …؟
قال هاي غير هذيج مثل مواعتج ودرتهااا
قلت ليش اسويبي كل هذاااا انا بنت عرب ومحااافظه علي بيتك وعيااالك في غياااابك..
بعد محاااايله وصلت اساعه 4
قاالي اوكي شرط اتمين ماااتروحين لو شو ماشفتي في تلفوووووون
قلت له لا بحكم علي اسااس الي اشوووفه…
وولا بدق لبويه الحين بخليه ايي…
انا مابرخص بعمري هاي ثاني مره اسويها بي وسامحتك قبل ورجعت ثقتي فيك ورديت تغلط ويا وحده ثانيه مب نفس البنت يعني انته ماتحب انته لعاااب!!!!
قاالي هيه انا هشي فدمي ابا اودره وانتي بثقتج فيه مره ثانيه خلتني ارد العب انا هشي ادمان عندي من قبل العرس ماقدر احس نفسي مريض نفسي!!!!
قلت له من كااان يقولي لا تشكين فيه وعطيني الثقه مره ثااانيه وببرهنلج العكس..!
انته غلطاان من راسك لساسك …
قلت له عطني التلفون بيدي وانا بفتحه مب انته ,,
وروح بعيد عني ..
فتحته يابناااااااااااااااااااات اه يا قلبي اكتب لكن ودمعي علي خدي كل ماذكر الموقف..
يلست ع زاوية اليدااار وفتحته وهو يطاالعني من بعيد كل المسجااات بينهم كلمااااااااااااات ماتنقااااااااااااااااااااااااااال بناااااااااااااااااااااااااااااااااااات وصيح وانا اقرااا وهو يقووولي دخيلج بسسسسسس .. والطامه الاكبر دشيت الرسائل الوسائط ولقيت صورتهااااااااااااااااا وحده الله يستر عليهااااا مافيها زوود عني
والكبر من كل هذااااااااااااا مصوره له صدرهااااااااااااااااااااااا صرخت وفريت عليه التلفووووون ويتني حاله اصيح هستيريااا وطحت يغما علي مادريت الي هو ينششني ويصيح اول مره اشوووفه يصيح ..!!
قمت وسرت الحمااام وكملت اصيح فيه شلني وردني الغرفه وقاااااااااااااااااااالي والله هاي اخر مره دخيلج لا تخليني ساعديني اودر هل طبع
قلت له وانا شو ذنبي؟؟؟؟؟؟؟؟ الكلام الحلووو لهل اشكااال ويوم اقوووولك كلام حلوووو واااقولك قولي مثله تقوووولي ماعرف اقووول كلام حلوووو تبيني اجاملج!!!!!
قلت شو لقيت فيهن مب فيني؟؟؟؟؟؟؟؟؟؟؟
قااااااااااااااااااااااااااااااااال والله وماشي والله عمري مابلاقي شراااااتج بس هذا طبع فيه ومب قادر اودره
قالت له وصلني بيت هلي لازم حد كبير يدخل خلاص طفح الكيل!!
قااااال لا عطيني فرصه وتم يترجاااني…
"""قلت له انته بداااوم وانا بفكر لين الخميس اذاا رديت ومالقيتني معناااته ماقدر اكمل وياااااااااااااك""""
رضا باهل اقتراااح
لاني تعبااانه ولازم ماسرع وخصتاااا انه عندي عياااااااااال منه..
وقالي طلبي اي شي ارضيج به
كل ماشوف ويه اصيح وايي يراضيني يقولي خلاص ويحاااول يهديني
ادري اليوم مابيني رقاااد امس راقده اساعه 7 ونشيت 10 الصبح اربع ساعات رقدت بس
وجسمي تعبااان
ابا رايكن خواتيه مالي غيركن
قريت كلامج وانتفضت و صحت !_!
لا حول ولا قوة الا بالله
الله يعينج ويصبرج ياختيه
ان شاء الله خواتيه المعرسات يفيدونج
انا رغم اني مش متزوجه .. بس سالفتج عورت قلبي .. احس الريالييل فهالزمن مالهم آمان ..
بس اختيه لا تهدمين بيتج بيديج و اذكري الله و لا تودرين ريلج لبنات الحرام .. دام انه هوه رووحه عارف قدرج و غلاتج في قلبه .,..لا تسيرين بيت اهلج و اتخليينه ايزيد … و الله يوفقج الغاليه
لازم تاخذيـن بريك منه
اختي انا احس فيج اي وحده عندها عيال صعب اتفكر فالانفصال . .
يعني اكيد بينج وبين نفسج اتحسين انج ضعيفه ماترومين تاخذين اي قرار قوي في حياتج بسبب العيال ومالومج ..
بس هالموضوع فيه شي ثاني دام على قولته انه مايروم يودر هالشي !!
اختي لازم الحين اتبينيله انج مستحيل ترضين .. خليه يندم ويذوق الندم ..
لاتقولين اول مره يصيح ولا اول مره يكسر خاطري لأ ,, اذكري انج ماكسرتي خاطره يوم سوا جي ولا طريتي ع باله ..
لازم تفطمين قلبج عن التعلق فيه وعن حبه .. عشان تقدرين تقررين قرارات بدون تأثير العواطف.
ولازم اتسيرين بيت اهلج قعدي عندهم اسبوع اقل شي لازم بريك منه لاتللفونات بينكم ولا شي .. وتحذيرنه انه مايفكر يتصل لاهلج اونه يطمن عليكم لأ ..
بس لاتغلطين وتخبرين اهلج اتعذري بأي شي انج تعبانه من بيت عمج او متضايقه اي شي بس لاتقولين انج زعلانه من ريلج خلي الامور تمشي عادي .. عشان اهلج مايحسون
وحاولي تحلين هالمشكله بينج وبينه ..
وحاولي ترتاحين في بيت اهلج .. استرخي واللي ماكنتي اتسوينه سويه طلعي اتسوقي سيري الصالون جوفي ربيعاتج ..
اي شي ادري صعبه وانتي حزينه بس اختي خلاص لازم تنسين عمرج عالاقل هالفتره ..
اختي انا ابدن ما أأيـد انه حد يتدخل بينكم لانه هالشي له تأثير فالمستقبل عليكم ..
بس حطـي في بالج انه هذا ريلج ومن حقج انتي مب من حق وحده ثانيه تاخذه منج ..
الموقف صعب والله يلوم اللي يلومج
بس انا اشوف انج ماتطلعين من البيت
ماتبين مجابله قوليله هو اللي يطلع كم يوم اذا تبين تختلين بنفسج
مالج الا بيتج وعيالج
استغفري واكثري من الدعاء وصلي ليييييييين تهدى نفسيتج
الرياييل مثل اليهال غلطاتهم وايده وماتنحصر بس عشان تتخلصين من طبع معين فيه لازم تكونين حكيمه هذا اذا تبين تحافظين على بيتج
خذي وقتح لييييييين تهدين بس ماانصحج تطلعين من البيت
صدقيني مهما لعب وغلط مرده لبيته
بس هذا مب معناته انج ماتأدبينه فتره وتشترطين عليه اللي تبينه عشان ترضين
الله يهديه لج ولعياله ويريح قلبج وتعدي هالمشكله على خير
هذا ابليس يلعب براسج…انا اعرف انه ريلج غلطان وانا حاسه فيج
لاني متزوجه…بس لاتخربين على بيتج وعيالج ساعديه دام اعترفلج وصدقيني
هذا الطبع في اكثر الرييايل هو ما يحسبها خيانه نفس انتي ماتحسبينها صدقيني نظره الريال غير
اظن انه يبى يتسلى…انا اعرف انه هذي خيانه شرعا وتعور القلب بس انا اقولج عن حياتنا اللي احنا عايشينها هو اعترفلج انه يبى مساعده بالعكس خذي من يده وخليه يودر طبعه بحكمتج وصبرج عليه وصدقيني بتكبرين في عينه وبظلين انتي الحبيبه الغالية فديتج…