خواتي هاليومين بتي بشكارتي الفلبينية وبما اني كنت متلعوزة من اللي قبلها من ناحية بعض الاكل مثل الجبن والنوتيلا والحليب والبيييييييييييييييييييييييييض
يوميااا بيض مب وحدة ولا اثنين 4 وفي المساء بعد ويا داغوس
حتى الموز والتفاح ما يتم يخلص بسرررعه وصعبة اسير الجمعية كل شوي
مشكلتي استحي وااايد اقولها كلي بقياس! او وين راح وجي
فقررت اخلي لها ثلاجة صغيرة عندي في المطبخ حقها احط لها بيض واجبان وحليب بودر وزبدة ورينبو ونسكافي وفواكه وبخبرها ما تفتح الثلاجة الخاصة فينا
شو رايكن مترددة بصراحة اسوي جي
اسمع امي دوم تشتكي من البشكارات نفس هالموضوع
احس صعب تفصلينها ثلاجة و مشتريات لها بروحها !!
اذا عندج ثلاجتين في المطبخ .. و حدة حطي فيها الاشياء الثانويه و الزايدة و اقفليها
وخلي المفتاح عندج
والثانيه اللي فيها الاساسيات خليها مفتوحه للكل
مادري
الله يعينج
اخاف تتحسس من السالفة
خليها تاكل حاجتها أحسن من أنها تبات يوعانة في بيتج
بما انها تكرف شي طبيعي بتاكل أضعاف أضعاف
احتسبي الأجر إطعام مسكين وخاصة انها في ذمتج وانتي مسؤلة عنها
يعني اذا البيض خلص في أسبوع قوليلها لازم تقايس في اكلها،،
أو حطيلها الصبح الريوق أنتي حدديه ،، يعني الصبح نشي وحطيلها بيضتين وجبن وقوليلها هالريوق ،، والغدا والعشا وياكم نفس أكلكم ليش تطبخ أكل غير!
خليتها تاكل الي تباه بس عن سالفة البيض حطيه فالثلاجه داخل فالمطبخ التحضيري مثلا وقفليها وخلي المفتاح عندج
وطلعي البيض بالقياس الي انتي تبيه