انا وريلي والفلوس لتربية طفلك

ما عرف من وين ابتدي انا موظفة ومتزوجة وعندي ولدين الحمدلله بس سالفتي اني وايد طيبه اي حد بيتسلف من اهلي بسلفه او ربيعاتي بعطيهم الحمدلله ما قصر ف حد بس اخبر ريلي للاسف حسيت ريلي بدى يستغلني بسبب هالشي يعني كل ما يشتري شي بعد اسبوع يقولي ماعندي عطيني بطاقتج بسحب من عندج واعطيه ويسحب ع كيفه سكت جم مره بس امس الصراحه تضايجت منه قلت له انا راح ايب شغاله ادفع الربع على الاقل يعني الفين والباقي انا بدفعه قال مابدفع قلت له اووووكي عيل انا ما بحط ولا ريال ف البيت قالي انا بشو مقصر فيج سكت عنه يقولي انتي دايما تعقين عليه رمسات اني مقصر قلت له هيه انت مقصر فيني والاغراض اللي تشتريها لعيالك حليب وبمبرز وبالاخير ايني بعد اسبوع او اسبوعين انا ما عندي عطيني انتي اقوله وين فلوسك اونه يولفهن حق الايام السودة يعني تقصر على بيتك وعيالك وحرمتك عشان تولف شو هالعقل قالي انا ما تهمني الفلوس وشل بوكة وطلع كل الفلوس خمسميات وميات وعقاهن عليه قالي خذيهن انتن ما في شي يطلع ف عينكم شي جي وبعدين جان يقعد يمي.قالي والله ما تهمني الفلوس وقام ياخذ خمسمية ورى خمسمية ويقطعهن قلبي عورني .نقهرت منه قلت الحين قلت لك ادفع 2024 حق الشغاله قمت وعصبت والحين قاعد تشقهن والله ما عرف كيف اتصرف معاه ولا فوق كل هذا جان يمد ايده عليه وانا الحين ما ارمسه مصايجه منه احس يستغلني عشان اعطيه اهليه انا ابغيه يعتمد على نفسه ويكد عليه وعلى عياله وهو قاعد يولف

اختي الغاليه
سبحانه الله دايما الشيطان شاطر
في تخريب البيوت

شوفي حبيبتي الريال مايتعامل بهاي الطريقه
يعني اول شيء انتي غلطانه

المفروض اشيائج الخاصه ماتخبرينه فيها انا عطيت فلان وسلفة فلانه

بيحس الريال انه عندج فلوس وماعارفه شوه تسويبها فقال انا اولى فيها

بدال فلانه وعلان عشا جيه استغلج

ثاني شيء المفروض من يوم اشتغلتي جان سويتو
مصروف محدد للبيت عشان محد يحاسب الثاني

ثالث شيء الريال يباله في تعامل وياه بذكاء
في نظري سبحان الله زوج يشوف شوه رد الزوجه له
وزوج ماينسى اي كلمه تعقها الزوجه حتى لو كانت معصبه وماقاصده الكلام

الحل تعوذي من ابليس وهدي اعصابج اول شيء
كتبي رساله له واعتذري بتقولين انا ماغلطت ومد ايده

اقولج انا الي تبا تحافظ على زوجها وبيتها وعيالها
لازم تيها صفعه عشان توعا وتنتبه بالي كانت غلطانه فيه

من تعامل واشياء كثيره

بعدني اقولج اعتذري وتاسفي وقعدي معاه وتكلمي بكل هدوء
وفتحو صفحه يديده وحطو ضوابط وقوانين للبيت ومصاريف البيت

ربي يسهل امورج ويسخره لج

الله يسخر اموركم

الله يهديه . لا تضغطين عليه وايد أختي
ولا تسوون بينكم مشاكل والسبب الفلوس
وخليه يولف للمستقبل ما فيها شي , وخل يصرف عليكم بحدود
بس لا تعطينه من فلوسج , ولا اتسلفين حد مره ثانية الا اهلج

سبحان الله وبحمده سبحان الله العظيم
الله يهديه و يسخره لج يارب

اختي اتعوذي من الشيطان تخيلي وحده عندها اربع عيال عطاها ريلها الف وسبعميه حق العيد واغراض البيت ومصاريف المدارس وهي ما تشتغل تفاهمي وياه وفهمي وجه نظرج

نفس حالتي
بس ريلي ما اخليه يمد يده علي
بتقتله او بخلي ابوي ياخذ حقي منه

انا عن نفسي كرهت الساعة اللي اشتغلت فيها
بس اهم شي اني سادة نفسي و اهلي
وصرت اخبي مصاريفي عنه

صح خليت البطاقة عنده عشان ما يتكلم علي
بس اسحب كل الفلوس
و داخله في جمعية اخلص منها ديوني
و الباقي حافظتنه عنه

بس اصرف بشي بسيط

لو اموت لاخر الشهر ما اطلع درهم من اللي عندي

ربي يسهل عليج
خلي سرج بعيد عن ريلج