اليوم اسوأ يوم في حياتي لتربية الطفل

اليوم يوم ميلادي وبدل ما اخذ الكلمة الحلوه من اعز الناس لي ( زوجي) صبحني بكف على ويهي قبل لا اروح الشغل .

لو مكاني شو بتسوين؟

كف بدون سبب؟؟؟

والله يهداج اختي ما في شي اسمه عيدميلاد!!!

ومواطنة مظلومة مرة وحده!!! انا قلت شي عووووود انظلمتي في الشغل او في شي ثاني ……..

بسم الله !!
ليش صبحج بكف ؟؟!!

الله يعينج وان شاء الله تكون سنه خير عليج .. الله يصلح الحال

"" كل عام وانتي بخير اختي ""

قبل الكل شو تبين بعد

اكيد فيه سبب ولا ليش جي شو الله يهديه

في سبب
كل يوم يا انا اشل بنتي واروح السياره قبله يا هو يشل البنت ويروح قبلي واليوم لا طاع يشل البنت ولا طاع يروح السياره يبا يوقف يراقبني ويشوف انا شو بسوي في عمري قبل لا اروح الدوام مع اني والله العظيم لا احط مكياج ولا اتعدل ولا البس حتى عباه عليها خيط ملون ومتينه واللي ويايه في الدوام يعرفوني اني ما اتكلم ويا حد في شي غير الشغل وحاطه صورته وصور عيالي على المكتب عشان محد يتجرأ ويتكلم ويايه

وفوق هذا يشك فيني ويوم اقول له انت تشك يقول لي انتي انسانه مريضه
بس ليش واجهته وسألته انت ليش تراقبني ضربني
قسم بالله احسن ان ويهي يحترق الين الحين