السلام عليكم ورحمه الله وبركاته
و صباحكم عسل خواتي
من الاخير بطرح الموضوع عليكم لان ربيعتي جالسه عندي الحي و تتريا آرائكم – نصائحكم – و شو تشوفون
طبعا الموضوع يخص ربيعتي بس هي مالها وخل ف النت ابد عشان جيه قلت بسالكم
حبيباتي ..
البنت مخطوبه من فتره و خطيبها وايد اوكيه معاها ماشاء الله
و اغلب الاوقات يوم يكون معاه خط يرد عليها ع رقمه الثاني يفتح عليها الخط او يشبكها
بس كم مره ما صار هالشي و خاصه امس
القصه .. هي كلمته كان معاه خط كلمها و شكله متنرفز تقول من الخط الي معاه و قاللها بيرد يكلمها عقب كلمها عادي اول ما كلمها سالته منو معاه ع الخط كان هنا هو عصب قاللها تسالين ليش قالتله شو ليش من حقي رد عليها قاللها و بقولج ربيعي شو راح تستفادين و اهو اصلا كان معصب من هذيج المكالمه
عقب عالساس بيرد يكلها دقت عقب شوي حصلت معاه خط دقت ع الثاني ما فتح الخط الثاني عليها طرشت مسج افتح الخط و سالته يكلم منو مارد ولا رد اتصلبها , هالكلام ف الليل يعني رقد بدون ما يكلمها
سبق تقريبا مرو بنفس الموقف بس عقب كلمها و خبرها حبيبي ترى حن الشباب بعد امبينا مواضيع مو لازم انتي تعرفين كل شي عن ربعي او اهلي .. يمكن لانه بعدهم مخطوبين ؟
الزبده .. شو رايكم ؟ هل هالشي عادي و يصير عند الرياييل ؟ والا اهي مضخمه الموضوع لانها يديده ع سالفه الارتباط
انا سالتكم لاني بروحي ماعرفت شو اقوللها لاني شكيه ف 3 امور
1- يكلم بنت .. ولو نفس الوقت استبعدها لان كلنا نعرف كيف تعب لين ما حصل البنت و يحبها وايد
2- يتضارب مع حد من ربعه او عندهم موضوع او مع حد من اولاد عمه خاله .. الخ و ما يبي او مايروم يقول كل اسراره لها الحين
3- ما رد كلمها عشان ما تلح على هالامور و تكبر مخها لان اكثر من مره و مرتين يقوللها يوم يصير شي تريي و افهمي الاول و اساليني عقب سوي الي تبيه ( لان اول ايام كانت تزعل مثل ما خبرتكم )
فـ شو رآيكم انتو ؟
و فـ شو تنصحوها تسوي علما انه لين الحين ما دقلها
بتتريا اراىكم بس بسرعه لانها ياييتني الدوام قبل ما يطردوني ههههه المتزوجات
تراج تقولين مخطوبييين يعني حراام تكلمه و هي مايخصها فأي شي لين ما يملك عليها فقط
شوفي حبيبتي … أنا إنسانه متزوجه … وكل وحده تبا تعرف ريلها ولا خطيبها كيف .. يرمس حد ولالا …
أنا من البداية … مووول ما أسأل ترمس منو ولا شو السالفة … و لا عمري زخيت فونه حتى …ولا أعرف شو عنده وشو ماعنده ..
تعرفين ليش؟ ف البداية قلبج بيعورج لو لا سمح الله لقيتي شيء ولا حتى لو مالقيتي بتمين في شك وبتتعبين .. يمكن عنده موضوع جديم ويبا يتخلص منه … ويمكن طايح في مشكله !! ويمكن ويمكن ويمكن …..
ف أنا لما سويت جي … هو قام يقول لي منو متصل .. وشسالفة … مرة وحده في حياتي سألته تم يطالعني عقب رد ..
ولكن قلت مهما ان كان ف خاطري اعرف منو .. مابسأل هو بروحه بيقول عقب .. ع فكرة حتى لو كان في حد … وعاملتيه باحسان …
هو بيقول وبيتأسف وكل شيء … اما لو عرف انج عرفتي وعصبتي الخ الخ الخ … ولا بيهمه !!!!!!!
ولكن!!! دام البنت بعدها مخطوبة … ممكن ترسل حد من أهلها أخوانها حد قريب منها من الرياييل … أو تسألون عدل ..
هل هو عنده حد ولا شسالفته ……!و لا تظنين السوء … يمكن مثل ماقلتوا ربيعه ولا شيء ..
ممكن الاحتمال الي (ماتحبينه) انه يرمس بنت … وإن شاءالله لا … اذا كان الموضوع جي .. تقدرين تتفاهمين وياه انه لو هو معاها انه انتي ماتبين هالشيء وماتبين تضيعين حياتج مع شخص يرمس بنات ……… الخ
لا تكبرين الموضوع .. كيف باجر لا تزوجتيه ويالسة معاه 24 ساعة وهو يسوي جي ؟ بتاكلين في عمرج ؟
بتتعبين جي …… !
ان شاءالله مايكون في شيء وان شاءالله امورج طيبه ……!
بس الكلام يصير فقط عشان يعرفون بعض في البداية … لكن مب 24 ساعة …..
المفترض الان تحاول تكسبه تغير فيه
افضل الطرق لتغير الرجل ووضع الشروط الأساسيه للزواج بطريقه أنثوية وهاديه تكون وقت الخطبه لان القلب يسامح في هالوقت
مع احترامي لربيعتك من غير ما اعرفها اعتقد انها مشبعة تجارب مسموعه من الاخرين وأصبحت حذره جدا
دعيها تتابع الدورات المقدمة في المنتدى تستفيد كثير
آه لو تعرفون فتره الخطوبه كم فيها من الفوايد لتغير الرجل جذريا لو استغلتها البنت بطريقه سليمه وحلال للوصول لقلب زوج المستقبل ورسم صوره جميله له عن بيتها المستقبلي
فتره الخطوبه بالنسبة لي اعتبرها اختبار ثانويه عامه
كل ما يأتي بعده يعتمد عليه
يابنات أرجوكم أرجوكم عندما يكون بين يديك رجل تأكد له خبرات وافكار عن الحريم مغلوطة انتي في فتره الخطوبه تغيري هذه النظره لكن
بالمد والجزر
لابعد ان يشعر انه حصل على كنز افضل منه لايوجد
لو انا مكان هذه البنّت ابحث في السؤال عنه
وأبدا ابني واربي عقل هذا الرجل من الان على فضل واهميه غض البصر الأسره الأطفال الزوجه
وفضل عطاء الرجل في بيته وان كل شي يحسب له صدقه
أكرر كل شي بطرق مختلفه وقصص جميله بحيث لا يمل
انتي في فتره ذهبية لا تضييعها في الشك الذي من غير فايده
لو فرضنا فعلا
ان عنده بنت اخرى واستبعد هذا الشي
الرجل اذكى منك لاحظ عليك تصرف قال لنفسه خليني أربيها من الان على الخصوصيه الخاصه فيني ويتمادى في تصرفاته ولو وجد منك إلحاح سياخذ عنك فكره اخرى
اعود للموضوع تخيلي لو عنده بنت في حياته دورك الان ان تعوديه على وجودك والعزه والعفه دون ان تجعليه يشعر انك شاكه فيه بل العكس هو قدوتك ومنها سيحافظ على الصورة
أرجوكم خذوا موضوع الزواج بعمق ورباط وثيق واجعلي عندك الإصرار لتغيره في صفك
تأكدي هناك نساء كثير غيروا رجالهم وعادوا اليهم كثوب العيد الجديد
عندما اكتب استشاره لانسانه اكتبها بأصدق ماعندي فلا يوجد سعاده عندي اكثر من اعرف ان هناك أسره سعيده
أرجوكي طوري خبرات الاتصال مع الاخرين يوميا اسمعي محاضرات على اليوتيوب وطبقوها
وأفضل من انصح به الدكتور احمد الفقي رحمه الله
مانعلم الغيب الله يوفقها واغلب الرجال مايحبون يخبرون الحريم بتفاصيل العمل والدوام زملاء العمل هلم جرا
ماعلينا اللي تسويه لقافه شيخصها من كلم ونمو ربيعك جيه هي تحب يدخل في خصوصياتها
ويسالها عن ربيعاتها ومن تكلم !
لازم كل واحد يحترم خصوصيات الثاني