والله ابصراحه انا اشتريت العده كامله
بس لو تفيدوني ب البودرة الي تستخدمونهااا
واذا ماعرفتهاااا بحولكم البيزات عبر الانصاري
واشترولي اياها وطرشولي اياها بالارامكس
شو رايكن
بس ابا كل وحده تنصحني بالبودره او الفونديشن الي تستخدمه وكيف طريقتهاااا
واذا في نصايح بعد اتمنىىىىىىىىى اتخبروني ابهاا
مثل الجحال والماسكرا وهالسوالف البسيطه
بس انا اعرف مب اني ماعرف بس سبحان الله يمكن استفيد
they have very nice foundations and eyshadows
u can use for ever powder its very good
and nevia mascara and maxfactor
حبيبتي بالنسبة للبودرة اختاري الباودر فاونديشن من ماك او ميك اب فور افر و انا استخدم ميبيلين من ليف ستايل تغطيتها وايد حلوة. بالنسبة للماسكارا استخدمي يفسانلوران او لانكوم بس ما انصحك( بالوتر بروف ماسكارا) و بالتوفيق يا حلوة
ملاحظة : انا بعدني يديدة على المنتدى بس بعد ما اخلص مشاركاتي ال100 بطلب عضوية في قسم الماكييرات
عن نفسي انا ما احب خير شر كريم الاساس لانه يبين انج حاطة شي .. ويخليج باهته
انا الكل يسالني ليش بشرتي ذهبيه ^_*
انا استخدم اول شي كونسيلر واهو بنفس الوقت يعتبر اضاءة من ماركة ايف سان لوران ..
وبعدها استخدم البودره الذهبيه(دايموند داست) من ماركه اسكوت بارنز الامريكيه ..
وبالنسبه لمكياج العين .. خذي حجال ماك لسواد فاحم ( الصراحة انا من كثر ما اسمع مديح البنات عن حجال سمايلنج خذته بس للاسف يلوع بالجبد وسبب لي حساسيه لانه نوعيته رديئه فلا تاخذينه ) والله ما في احسن من ماك .. وحتى الاي لينر من ماك بعد الصراحة روعه ووايد اسود .. ..
وعندج المسكارا . الصراحة ما في وحدة كثري جربت كل الماركات ..احلى مسكارا جربتها بحياتي اهي ديور شو .. الصراحة اتخلي ارموشج عذااااااب.. وماشو مانع انج تاخذين رموش صناعيه اللي اتي حبه حبه وخذيها من ماركه فورايفير . لانها اتبين طبيعيه ..
والاي شدو الصراحه انا اخذ من ماركه K*STAR الصراحه روعه …
واهم شي وراح تدعين لي طول عمرج .. رش الاضاءة من ماركه اسكوت بارنز اترشينه بعد ما اتخلصين المكياج وشوفي كيف الكل راح يطالعج ^_^
وبن ناي حلوه للمناسبات وممكن انج تحطين فوقها كانيبو وشوفي الويه شو يستوي
بس المفروض قبل تسألين شو نوع البودرة المناسب تخبرينا لونج واذا بشرتج دهنية او عادية
غيرلان تناسب الكل وراح تدعين لي
الماسكارا بلاك زوم (ماك) وبتدعين لي
الكحل سيسلي .. طبي وفاحم …
الكونسيلر انا احب ايف سان لوران الذهبي رقم 2 يناسب كل الالوان
والايشدو عندج ماركاااااااااااااااااااات وماركات وشي ماركات تقدرين تختارين الالوان اللي تبينها وتحطينهن ف علبه
^_^ اي استفسار من عيوني