هلا خواتى حبيت امسيكم واقولكم السموحه ما قمت انزل مواضيع . بسبب الظروف المهم اليوم حبيت انزل الكشرى الى اسويه لكل محبى strang loove^^
راح تحتاجون الى معكرونه
ارز 2 كوب او 3 على حسب عددكم خواتى
بلاليط او شعيريه 1 كوب ونصف
عدس اسود 1 كوب ونصف
3 بصل اكبار امقطع شرائح
خواتى تقدرون اتزيدون اى شى تبونه,
بسم الله نبدأ ^^
اول شى اسلقو كل شى لحاله , يعنى اسلقو المعكرونه بالطريقه العاديه بس مع اضافه الملح والسنوت او الكمون ملعقه منه او ملعقتين خواتى , واسلقو العيش ايضا بالطريقه العاديه مع الملح ومع السنوت او الكون ملعقتين ,
اسلقو العدس بالماى فقط بدون شى عادى لو ضفتو ملعقه من الكمون او السنوت
اما الشعيريه او البلاليط لازم اول شى اتحمرونه بدون زيت فى تاوه لين اتصير عنكم ذهبيه بعدين تقدرون اضيفون لها ماى عشان تنسلق بس بدون اى شى فقط ماى ومب مهم كميه الماى خواتى المهم يكون شغلكم امرتب وزين واحاولو انكم اتراقبون اكلكم وتطعموه وتشفونه اذا استوا ولا لا اوكى ^^
وبعدين اشخلوهم كلهم بنفس الشخاله , ويبو جدر يكون كبير اشوى وظيفو زيت وحمرو البصل انزين لين يحمر وبعدين ظيفو سنون وظيفو فلفل اسود تقريبا ملعقتين منهم , وبعدين ظيفو كل شى شخلتوه للجدر وحركوهم زين مع بعض فهمتو على خواتى …
ولعمل الصلصه
3 حبات طماط
2 فص ثوم
كزبره اشوى
بقدونس اشوى
معجون طماط
خل ربع فنجان
ملح
وفلفل احمر حار ملعقه
وكلهم حطوهم فى خلاط العصير مع اظافه القليل من الماى
وبعدين لمن تنخلط عندكم حطوها فى جدر وعلى نار هاديه
وان شاء الله يكون عيبكم وتكونون فهمتو على شرحى خخخ
تسلمين*ع*الموضوع* ^_^
احب الكشري خخخخخ
يسلمو ع الموضوع حبوبه
شكلـه لذييذ وطريقتـه بسيـطه
تسلم الايادي ان شاء الله
