انا سالفتي سالفة ويا شعري احس اني كبرت وبعدني صغيره .. خلني اقولكم قصتي ولي عندها حل تقوله
بنات انا موول ما اصبغ شعري وكان شعري غليظ وااايد وناعم وحلو, كان كل حد يتخبل عليه
سرت مره الصالون وقصتلي اياااه وحده وخربته فخف شوية ورديت عدلته بس ما رد نفس ما كان قبل.. فقد حيويته ولمعاانه ومتقصف واايد جني مشوطتنه ومن احط دهان ما ايخوز من شعري غير انه يعطيه لزوجه تلوع بجبدي.
قلت خلني اسوي اي شي يمكن يعطيه الحيويه ويحليه.. فجربت الوصفه الطبيعيه مالت التلوين لي تتكون من كركم ونسكافيه وزيت زيتون وغرشة ويلا وعقبها بفترة لاحظت ان شعري قام يبيض وماعندي شعره ولا اثنين والله العظيم انها تارسه شعري والسبب ما اعرف من شو؟!! بالإضافة الى ان لون شعري قام يتغير ويفتح
بليز بنات انا والله كارهتنه ومب عارفه شو اسوي مفكره اسير عند دكتورة خاصه للشعر وتساعدني بس قلت خلني اطرح الموضوع يمكن حد فيكن عنده حل ولا نصيحه
وسوااالم ^^
الله أكبر …. الله أكبر …….. الله اكبر……….ولله الحمد
الله اكبر كبيرا….. والحمد لله كثيرا……….وسبحان الله بكرة واصيلا
ان شاء الله تستفيد من تجاربكم
ام منصور فديتج تسلمين ع الرد وان شاالله بجرب هالخلطه لي تقولين عنها بس بغيت اتخبرج اممم ريحة البصل اتم في الشعر ولا تخوز ؟ وشو تقصدين بالكتم؟